^

Banat Balita

Pagsaka sa mga kaso gipaabot human sa eleksyon

Decemay Padilla, Rowena D. Capistrano - Banat
Pagsaka sa mga kaso gipaabot human sa eleksyon
Commuters queue for free bus rides from Philcoa to Cubao in Quezon City on March 30, 2021 due to limited public transportation amid the enhanced community quarantine.
The STAR / Miguel de Guzman

CEBU, Philippines — Gipasidan-an sa pangulo sa Emergency Operations Center Cebu City Konsehal Joel Garganera nga tanang dagkong kalihukan nga diin magdugok ang mga tawo potensiyal kining magkatinakdanay sa COVID-19.

Si Garganera namahayag niini usa ka adlaw human sa pagpahigayon sa Uniteam Festival Rally sa SRP niadtong adlaw nga Lunes kun diin 200 mil ka tawo (bag-ong pagbanabana sa Cebu City Police Office) ang nanambong.

Ang Uniteam gisuportahan sa Barug- PDP-Laban ni Cebu City Mayor Michael Rama kun diin nasakop si Garganera.

Si Garganera miingon nga karong election season, di na kapugngan ang mga political rallies, apan matud niya kinahanglan lang gyud nga himuon kini sa open area ug ang mga tawo nga motambong sa kalihukan mosunod gyud sa health protocols sama sa saktong pagsul-ob og face mask ug mga bakunado kontra COVID-19.

Tungod sa mga politikanhong kalihokan karon, gipangandaman na sa EOC Cebu City ang posibilidad nga mosaka ang mga kaso sa COVID human sa Mayo 9, 2022 National ug Local Elections.

Andam ra ang mga pasilidad sa siyudad aron atimanon ang mga matakboyan sa maong sakit.

Sa laing bahin, 61 na sa 80 ka barangay sa dakbayan ang wala nay kaso sa Covid-19 sulod sa 14 ka adlaw  sumala pa ni Garganera. Sumala pa ni Garganera, 30 nalang ang kaso karon sa siyudad ug nag-una sa mga barangay nga dunay mga kaso mao ang Labangon; Camputhaw; Apas; Talamban ug Banilad. –/IBM (BANAT NEWS)

COVID-19

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with