Rama nagplano nga himoon ang Sinulog 2023 sa SRP
CEBU, Philippines — Target ni Cebu City Mayor Michael Rama nga ipahigayon sa South Road Properties ang Sinulog 2023 gumikan sa kadako sa lugar niini.
Matud pa ni Rama nga duna kini dakong hawanan ug daghan ang tawo ang ma-accommodate niini sama sa kalamposan sa UniTeam Rally nga gitambongan sa kapin sa 300,000 ka supporters nila ni Bongbong Marcos ug Sara Duterte.
Kahinumduman nahisgutan na ni Rama ang maong sugyot niadtong 2021 apan wala kini tugti sa Inter-Agency Task Force for the Management of Emerging Infectious Diseases gumikan sa nagkataas nga kaso COVID-19 niadtong higayona.
Apan karon nga nilugak na ang restriksyon gusto ni Rama nga ipadayon ang iyang plano nga himoon sa SRP ang Sinulog 2023.
Gidugang ni Rama nga haum ang maong area alang sa mga vendors nga mag-display sa ilang mga produkto atol sa maong kalihokan.
Una nga gideklarar sa kagamhanan sa Siyudad Sugbo niadtong Pebrero ang Oplan Kagawasan apan kinahanglan gihapon ang pagsunod sa gilatid nga health protocols ilabi na sa pagsul-ob og face mask. — /MEL (BANAT NEWS)
- Latest
