^

Banat Balita

Pagdahili sa yuta, baha nasinati sa probinsya

Gabriel Bonjoc - Banat

CEBU, Philippines — Nibuhagay ang yuta ug mga bato ug nitabon sa karsada sa Sitio Languyon, Barangay Manipis, sa Dakbayan sa Talisay kagahapon sa kaadlawon nunot kini sa nasinating sagunson nga paguwan bisan  panahon na karon sa tinginit.

Si Kapitan Joselito Laurente miingon nga ngitngit pa nga nahagsa ang kilid bukid ug natabunan ang karsada maong lisod na maagian.

Ang lugar nga naglandslide mao ang lugar kun diin nagtrabaho sa benching o pagpalig-on sa kilid sa karsada ang taga Department of Public Works and Highways (DPWH).

Si Laurente nitataw nga ang way hunong nga paguwan maoy nakatampo sa paghumok sa yuta hangtud nga kini nibuhagay.

Wala ra hinuon mga motorista nga naatlan sa panghitabo nga posibleng natabunan.

Ang kontraktor sa kabukiran nipadala og mga dakong ekipo aron sa paghawan sa nakatabon sa karsada aron mabalik na ang pag agi sa mga motorista.

Gawas sa Manipis, pipila ka mga dapit sab sa Probinsya sa Sugbo ang nakasinati og pagbaha ug pagdahili sa yuta tungod sa padayon nga pag ulan.

Sa lungod sa Alegria, wala usa paagii ang dalan padulong sa Barangay Valencia human nga nidahili ang yuta sa Sitio Boyungan ug natabonan ang usa ka backhoe sa maong dapit niadtong Abril 7.

Wala usa dayon makaagi ang mga sakyanan didto sa Alangasil -Lower Anongan highway sa lungsod sa Alegria niadtong gabii sa Abril 7 tungod kay naglunop sa mga kabalayan ug grabe ka danggog ang agianan tungod sa pag ulan.

Didto sa lungsod sa Moalboal, sumala sa LGU sa Facebook page niini nga adunay pipila ka mga lumulopyo sa Barangay Balabagon ang gipabakwit ngadto sa eskwelahan tungod sa pagbaha.

Samtang didto sa lungsod sa Sibonga ang mga emergency responders, namutol na daan og kahoy ug nipahigayon og clearing operations sa Sibonga National High School aron paglikay nga adunay mahulog o mabali nga sanga.

Tungod aning dautang panahon, pipila sa biyahe sa barko kagahapon ang gikanselar. Ang Oceanjet nikanselar sa byahe padulong Tagbilaran City gikan dakbayan sa Sugbo, mao usab ang biyahe Siquijor padulong Dumaguete ug vice versa. —Le Phyllis F. Antojado/IBM (BANATNEWS)

DAKBAYAN

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with