^

Banat Balita

Mga establisamento gipadalhan og notisya sa DENR

Rowena D. Capistrano - Banat

CEBU, Philippines — Ang bag-ong regional director sa Department of Environment Natural Resources Environmental Management Bureau Maribel Munsayac nibutyag nga aduna na sila’y mga napadalhan og notisya tungod sa mga kalapasan sa kalikupan ug aduna kini kalabotan sa ilang mga proyekto.

Matud ni Munsayac nga aduna na sila’y mga gihatagan og notisya nga mga resort ug mga establisamento nga nakalapas sa Environment Compliance Certificate kinsa nagpadayon sa ilang trabaho bisan wala pa kini ECC.

Si Munsayac nagkanayon nga kadtong mga nahatagan og notisya kinahanglan sila nga motubag sulod sa 15 ka adlaw ug kong dili makatarunganon ang ilang tubag hatagan sila og multa. Gibutyag usab ni Munsayac nga ning tuig 2022 wala pa hinuon nakaabot og napulo ang ilang nahatagan og notisya sama sa mga resort ug komponiya.

Matud usab ni Munsayag nga ilang hugot nga gipatuman ang mga balaod apan tungod sa resulta sa pandemiya ug sa nilabay nga bagyo gihatagan usab nila og kahigayonan ang mga malapason nga mo-comply sa ilang mga lapso ug makig-alayon sa ilang buhatan.

Giawhag ni Munsayac ang mga business owner, resort ug hotel owner nga makig-alayon sa ilang buhatan kong ipadayon nila ang ilang mga proyekto ug mag-rehabilitate sa ilang mga kabtangan aron dili sila mapahamtangan ug silot diin mahimo ra nila kining buhaton sa online.

Si Munsayac usa sa mga dinapit nga bisita atol sa ground breaking sa 4- storey residential property nga gitawag ug “Thyme Residences” nga nahimutang sa may Barangay Vito sa Lungsod sa Minglanilla. —BDB (BANATNEWS)

DENR

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with