^

Banat Balita

P1 milyong shabu, drug den napuhag

Gabriel Bonjoc - Banat

CEBU, Philippines — Usa ka milyon ka pesos nga kantidad sa gituohang shabu ang nasakmit sa kapulisan sa Dakbayan sa Talisay gikan sa duha ka mga High Value Individual (HVI) sa gihimong operasyon niadtong adlaw nga Martes.

Ang grupo nila ni Police Lt. Elwood Ebona unang nakadakop ni Raul Abella Abayan Jr. alyas Jumong, 28, nga taga Bougainvilla Subdivision, Barangay Linao  ug nakuha gikan kaniya ang gituohang shabu nga kantidad og P476 mil.

Samtang nasikop sab si Engelbert Juntong Galido alyas Badong, 20, sa barangay Lagtang kagahapon sa kaadlawon. Si Galido taga Sitio Puntod, Barangay Mambaling, Syudad sa Sugbo. Nakuhaan kini siya og drugas nga nitimbang og 140 gramos nga adunay gibana-banang kantidad nga P952 mil. Nahibaw-an nila ni Ebona nga si Galido adto magkuhaan og drugas ni Abayan nga maoy una nila nga nadakpan. Ang duha nag-abot sa prisohan human sa operasyon. Sa pikas bahin, tulo ka tawo ang nasikop ug gibungkag ang drug den nga ilang nahimutangan diha sa Barangay Lorega- San Miguel ning Dakbayan sa Sugbo niadtong Miyerkules sa gabii.

Ang operasyon gihimo sa hiniusang pwersa sa mga sakop sa PDEA RO VII, CPPO-PIU, RIU-7, Navforcen, CIDG ug CCPO Police Station 4. Ang mga nasikop mao ang managsuon nga Wilson Coyoca alyas Budlat, 46, giingong maoy nagpadagan sa maong drug den, maguwang niini nga si Isabelita Coyoca, 62, ug ang matud pa parokyano nila nga si Baby Boy Ginson, 27.

Nasakmit gikan sa mga dinakpan ang 20 ka putos sa gituohang shabu nga mobalor og dul-an sa P75 mil, buy bust money, drug paraphernalia ug cash nga P445. Matud pa ni Leia Albiar-Alcantara, tigpamaba sa PDEA-7 ang ilang operasyon gilusad base sa impormasyong gihatag sa BADAC. —Rowena D. Capistrano/IBM (BANATNEWS)

DRUGS

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with