^

Banat Balita

112 ka eskwelahan sa Cebu City nangaguba sa bagyong Odette

Decemay Padilla - Banat

CEBU, Philippines — Ang Department of Education Cebu City nihimo og pamaagi aron makatabang sa pagpaayo sa mga tunghaan sa siyudad nga nangaguba human sa pagkuso-kuso sa bagyong Odette niadtong Disyambre, 2021.

Matud ni Dr. Rhea Mar Angtud, School’s Division Superintendent DepEd Cebu City nga nilusad gyud sila og daghang programa gisugdan kini og summit diin giimibitar nila ang stakeholders ug nakadawat sila og pledges.

Aduna usab sila’y “ride for a cause” niadtong Sabado ug sa umaabot Domingo “walk for a cause” na usab ang ilahang buhaton ug giawhag nila ang mga ginikanan, stakeholders ug mga kaubanan nga gustong motabang alang sa pagpaayo sa mga tunghaan nga moapil sa kalihokan.

Gibutyag ni Angtud nga sa 127 ka tunghaan sa Cebu City 112 niini ang nangaguba tungod sa bagyo ug gani duha niini nga mao ang Pung-ol Sibugay ug Pamutan ang hingpit gyud nga nangaguba ug anaa sa 42 ang nakaangkon og dakong danyos.

Nasayran nga P300 milyones ang pundo nga gikinahanglan sa DepEd aron mapaayo ang mga tunghaan nga naguba.

Sa pagkakaron nakadawat sila og P30 milyones gikan sa ilahang central office hinungdan nga nasugdan na nila ang rehabilitasyon sa mga tunghaan.

Sa laing bahin, niabot sa 64 ka pampubliko nga tunghaan ug unom ka pribadong tunghaan ang gipaubos og assessment sa LGU Core Team sa Siyudad sa Naga.

Kini pagsuta sa kaandam sa maong mga tunghaan alang sa pagpahibayon sa limited face-to-face classes sa siyudad.

Subay niini, gipangandaman karon sa DepEd Cebu City Division ang pagpahigayon og pilot testing sa limited face to face classes sa umaabot buwan sa Mayo niining tuiga. Apil sa ilahang gihimong pagpangandam mao ang pagpahigayon og school based pediatric vaccination program pinaagi usab sa pakig-alayon sa Cebu City Health Department.

Nagpahigayon usab og orientation ang Cebu City Vaccination Operation Center sa mga magtutudlo nga motudlo inig balik sa face to face classes aron mapasabot nila ang kamahinungdanon sa pagpabakuna kontra COVID-19 ang mga tinun-an.

Si Angtud nagkanayon nga ang mga tinun-an lang nga nabakunahan kontra COVID-19 ang mahimong makabalik sa limited fact to face classes.

Gikatakda sa Mayo 13, 2022 ang pagpahigayon sa limited face to face classes apan bahinon kini diin sa unang semana sa buwan sa Mayo lima ka tunghaan lang una nga anaa sa mga bukirang barangay ang magsugod sa limited face to face classes.

Kadtong mga bata nga dili mga bakunado adto sa laing modalities sama sa radio, modules, online ug offline tungod kay sa limited face to face classes mandated nga vaccinated ang bata nga ibutang sa eskwelahan.

Si Dr. Jeffrey Ibones, officer-in-charge sa CCHD nagkanayon nga nagpahigayon na sila og vaccination sa mga bata nga nag-edad og 12 ngadto sa17-anyos diha sa mga bukirang barangay kabahin kini sa preparasyon sa pagbalik na unya sa mga bata sa tunghaan.

Tinguha usab sa CCHD nga sa dili pa himuon ang limited face to face classes makabakuna na usab sila og mga bata nga 5 ngadto sa 11-anyos ilabi na diha sa mga bukirang barangay.

Samtang ang kagamhanan sa Dakbayan sa Sugbo mopadala og suwat ngadto sa DepEd nga loagan ang rekisitos sa mga tunghaan alang sa pagbukas na sa face to face classes aron sayon na lang unya ang pagbalik sa physical nga klase diin target nga himuon human sa eleksiyon.

Si Konsehal Joel Garganera nagkanayon nga gihan-ay pa nila karon ang tanan nga mga tunghaan sa siyudad aron maandam ang mga gikinahanglanon ilabi na sa classrooms alang sa pagsugod na unya sa face to face classes.

Sa Dakbayan sa Talisay, anaa na sa 10 ka pampublikong tunghaan sa siyudad ang naghimo sa limited face to face classes.

Si Ayren Belleza, pangulo sa admin office sa DepEd Talisay nagkanayon nga ang mga tunghaan ni-apply aron sa pagbalik sa face to face classes.

Ug sa pagbukas sa face to face classes 10 dayon ka tunghaan siyudad ang nakapasar ug nakasugod na dayon ug usa sa maong mga tunghaan mao ang Lagtang Elementary School. —Le Phyllis F. Antojado, Rowena D. Capistrano, Gabriel C. Bonjoc/BDB (BANATNEWS)

TYPHOON

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with