^

Banat Balita

Parehas nga protocols gitinguha sa CCPO para sa political rallies

Rowena D. Capistrano - Banat

CEBU, Philippines — Kapulisan sa Dakbayan sa Sugbo, makig-alayon sa Emergency Operations Center ug Commission on Elections aron makapagawas og standard nga guidelines para sa tanang politiko nga gustong mohimo og mga political rallies, human sa nahitabong Arat na ta Concert sa Cebu.

Si Police Lieutenant Colonel Wilbert Parilla nga nahinabi sa mga tigbalita miingon makig -alayon sila sa EOC ug sa Comelec aron magiyahan sila sa ilang pagbantay sa mga kalihokan sa mga politiko.

Buot sa CCPO nga mopagawas og standard, unified and uniform protocols para sa tanang mga kandidato.

Sumala pa ni Parilla, human sa maong concert nga gitambongan og gibanabanang 60 mil ka mga tawo diha sa Cebu City Sports Complex niadtong Sabado, buot sa CCPO nga ang mga organizers sa mga dagkong kalihokan, political man o dili kinahanglang mohatag og estimates sa gidaghanon sa mga tawong motambong, kinsa ang mga manambong ug kinahanglang duna silay kaugalingong plano kung unsay buhaton kun dunay emerhensiya.

Kinahanglang masayran daan sa CCPO kini nga mga impormasyon kay kini maoy ilang himuong basihanan sa hustong pagpangandam aron dili magkaguliyang.

Ang pagdagsa sa daghang mga tawong nanan-aw sa maong concert nakapakurat sa tanan mao nga alang kang Parilla kinahanglang dunay koordinasyon ang organizers ngadto sa mga otoridad sa wala pa ang kalihokan.—Rowena D. Capistrano/IBM

VECO mipasalig nga way brownout atol sa eleksyon

Gipasalig sa Visayan Electric nga dili mabalda ang supply sa kuryente sa franchise areas niini para sa mga polling centers karong umaabot nga National and Local Elections sa buwan sa Mayo.

Ang presidente ug chief operations officer sa Visayan Electric nga si Engr. Raul Lucero, nitug-an nga nakig-alayon ug nakigtagbo na sila sa mga kadagkuan sa departamento sa edukasyon aron tukion ang nagsingabot nga eleksyon.

Gipaniguro ni Lucero nga adunay paigong supply sa kuryente nianang mga panahona.  Gisaad usab sa Visayan Electric ang pagtabang ngadto sa mga nagkadaiyang government agencies nga moila ug mosulbad sa mga problema may kalabutan sa elektrisidad ilabi na kadtong gamiton nga polling centers. Gibutyag ni Lucero, panahon sa ilang meeting uban sa DepEd adunay concerns may kalabutan sa pipila ka tulonghaan nga kinahanglang ayuhon kay nangaguba na ilang mga electrical wirings aron magamit para sa mga botante. —IBM (BANATNEWS)

CCPO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with