Masahista, menor nakuhaag P1 milyong shabu
CEBU, Philippines — Usa ka masahista ug kaubang 17- anyos nga babaye ang nakuhaan og ilegal nga drugas sa mga sakop sa Drug Enforcement Unit (DEU) sa Talisay City Police sa ilang operasyon diha sa Sitio Dawis, Barangay San Roque niadtong Sabado sa gabii.
Ang subject sa operasyon mao si Irish Entoma Neri, 30, taga Barangay Calamba, Siyudad sa Sugbo nga gikonsiderar nga High Value Individual (HVI) sa kampanya batok sa ilegal nga drugas.
Samtang ang iyang kauban nga 17 anyos nga babaye taga barangay Banawa, Siyudad sa Sugbo.
Matud pa ni Police Lt. Elwood Ebona sa Talisay City Police Station nga nakuhaan nila og 150 gramos nga gituohang shabu nga gibanabanang P1,020,00 ang kantidad.
Nagkanayon si Ebona nga si Intoma nadakpan na niadtong Agosto 2016 tungod gihapon sa pagpamaligya og ilegal nga drugas.
Nailhan sab siya nga usa ka bodegera diin ang iyang drugas nagagikan sa usa ka Arnel Mori nga binilanggo sa Cebu City Jail.
Samtang ang menor de edad mao ang gikatahong tigkuha ug tighatud sa ilegal nga drugas.— IBM (BANATNEWS)
- Latest
