Mga kandidato gisugat og ‘kinumo’

CEBU, Philippines — Gisugat og ‘kinumo’ sa mga molupyo ang mga lokal nga kandidato sa Siyudad sa Mandaue nga nagsugod na og suroy sa kabarangayan aron mangampanya.

Mao na kini karon ang bag-ong pamaagi sa pag-ilaila ug paghangop, inay nga maglamano, gikumkom nga palad na maoy ipangka nunot sa hulga sa Covid-19 pandemic, dili lang sa Mandaue kondili lukop nasud.

Sa ubang mga nasud, pang-kaon ang mga siko isip alternatibo sa pakiglamanohay sa mga palad tungod gihapon sa Covid-19.

Kagahapong adlawa,  nibuylo na paglibot sa kabarangayan ang mga lokal nga kandidato sa Mandaue City gikan sa pundok ni Mayor Jonas Cortes ug sa ilang mga kaatbang.

Apan sa Minglanilla, ipadayon ra ang naandang handshaking activity ug mga pulong-pulong ang Team Abante Minglanilla karong nagsugod na ang lokal nga pangampanya.

Ang Team Abante Minglanilla gipangulohan ni mayoralty aspirant Atty. Rajiv Enad nga kasamtangan sab nga konsehal sa nahisgutan nga lungsod modangop gihapon sa tradisyonal nga pamaagi sa pangampanya.

“Ang amoang activities low-key ra ang activities sa Abante Minglanilla the usual handshaking, house to house campaign, in person and pulong-pulong”, sigon ni Enad. –Decemay P. Padilla/IBM  (BANATNEWS)