^

Banat Balita

Mayor, opisyales sa lungsod gikasoha’g graft

Gabriel Bonjoc - Banat

CEBU, Philippines — Nagatubang og kaso ang mga opisyales sa lungsod sa Minglanilla tungod sa alegasyong irregular nga pagpagawas og pundo sa lungsod nga nagkantidad og dul-an P9 milyones.

Usa ka Rolan Alamag nga taga Poblacion Ward II, lungsod sa Minglanilla mao ang niduso sa kaso diha sa Office of the Ombudsman-Visayas.

Iyang gisang-at ang reklamo sa kalapasan sa section 3(E) R.A 3019 o anti-graft corrupt practices act ug Grave Misconduct batok nila ni Mayor Elanito Peña, Bise Mayor Loben Geonzon, mga konsehales nga sila si Rajiv Enad, Lynette Geonzon, Roy Nacario, Marlo Cañada, Alan Bastida, Jaime Caumeran, Proserfina Fajutrao ug Jenny Young. Nitumaw ang sumbong base sa obserbasyon sa Commission on Audit (COA) diin nakit-an nga nipagawas og kwarta ang lungsod nga nikantidad og P8,901,000 nga gihatag sa mga di kwalipikadong trabahante isip hazard pay atol sa pandemiya.

“Payment of Hazard Pay in the total amount of P8,901,000.00 to barangay officials and employees who are not considered as personnel of the Municipality or are workers engaged through contract of service (CO)/Job Order (JO) by the Municipality constitutes irregular disbursements, in accordance with DBM Budget Circular No. 2020-1 and Administrative Order No. 26, casting doubt as to the propriety and legality of the disbursement,” tipik sa sumbong.

Dugang pa sa DBM Budget Circular, ang paghatag og Covid-19 Hazard Pay alang lang ngadto sa mga trabahante sa lungsod ma regular man o contractual o casual positions.

Ang lungsod sa Minglanilla nihatag sa maong pundo ngadto sa mga empleyado sa barangay.

“Barangay officials and employees are not employees of the Municipality and are employed separately by their respective barangay which also have their own separate budget as mentioned in Section 5 of Administrative Order No. 26 and which are also subject to their own budgetary limitation with regard to hazard pay,” tipik sa  rejoinder sa COA.

Naglangkob kini sa kapitan, kagawad, SK chairman, SK councilors, secretary, treasurer, tanod, BHW hangtud sa lain-laing posisyon nga nagtrabaho sa barangay.

Sa 19 ka barangay sa Minglanilla, ang mga kawani lang sa 12 ka barangay ang gitagan sa maong hazard pay.

Sud sa 12 ka barangay nikantidad ang tanan og P5,472,000 ug adunay deperensya nga P3,429,000 nga walay dokumento nga nakasuporta.

“In this case, the transgression of established and definite rule of action is shown by the irregular acts of the above-named officials. By giving hazard pay to unqualified persons, the Municipality made irregular disbursements considering that they are not considered as officials and employees of the Municipality in violation of Item 4 of DBM Budget Circular No. 2020-1,” tipik sa obserbasyon sa COA.

Si Peña sa iyang bahin nitataw nga wala pa sila makadawat sa kopya sa reklamo gikan sa Ombudsman. Apan iyang gihulagway nga usa kini ka pamolitika ang pagpasaka og kaso batok kanila.

Matud niya mosumbalik ra kini sa ilang mga kaatbang sa politika kay siya nagtuo nga paminawon ang ilang habig sa Ombudsman ug sila makahatag sa saktong subay sa panudlanan sa lungsod.

“Kaayohan man na sa tanan. Pero masumbalik ra unya na nila. Amo nang matubag ang reklamo,” si Peña namahayag.— IBM (BANATNEWS)

OFFICE OF THE OMBUDSMAN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with