Health Care hingusgan ni Ejercito kun makabalik sa Senado

CEBU, Philippines — Tinguha ni kanhi Senador JV Ejercito nga hingusgan ang Health Care sa iyang pagbalik sa Senado kung mahatagan siya ug kahigayonan.

Kini ang iyang gibutyag atol sa iyang pagbisita sa Sugbo kagahapon aron makighimamat sa mga opisyal pinaagi sa iyang gihimo nga courtesy call.

Lakip sa iyang atimanon kun ugaling mahibalik sa Senado mao ang paghuman sa Universal Health Care law.

Sumala pa ni Ejercito nga kinahanglan bantayan ang pagpatuman sa maong balaud ingon man ang budget alang niini aron masiguro nga ang makapahimulos niini mao ang labaw nga nagkinahanglan nga pamilya. Gipasalig usab sa kanhi senador ang pagpahiluna sa lung ug heart center sa Sugbo aron makabepisyo ang mga sugbuanon ug bol-anon.

Si Ejercito, kinsa nahinabi ni Choy Torralba sa programang Tug-ani ang Lungsod sa DyRF1215 nitug-an nga daghan pa kaayo siyang angayan buhaton sa iyang pagbalik bisan pa og daghan siyang mga nasugatan nga hagit apan mapasalamaton siya sa endorsement kaniya ni President Rodrigo Roa Duterte.— MEL (BANATNEWS)