^

Banat Balita

Bakuna sa mga bata hapit na mahurot

Decemay Padilla - Banat

CEBU, Philippines — Hapit na mahurot ang reformulated Pfizer BioNtech vaccine para sa mga batang edad singko ngadto sa 11 anyos sumala pa ni Dr. Jeffrey Ibones, Officer-in-Charge sa Cebu City Health Department.

Matud niya kapin 200 doses nalang niini ang nahibilin apan gipahibalo niya nga wala una nila kini gamita kagahapon aron paglikay nga magkagubot ang mga tawo.

Ang Department of Health Central Visayas mihatag og 6,000 doses sa bakuna para sa Cebu City apan gitunga kini alang sa first ug second dose.

Apan giangkon sab niya nga wala motugot ang DOH Central Visayas  nga ang 3,000 doses niini itagana alang sa second dose 21 ka adlaw human nakadawat sa unang dose. Gihimo kini tungod sa panagana nga maabtan na unya og 21 ka adlaw wala pay maabot nga bag-ong supply para sa ikaduhang dose.

Nasayran nga naa na sa 2,500 ka mga bata nianang mga edara ang nabakunahan sa Cebu City sulod upat ka adlaw. Dunay 10 mil ka mga bata sa maong edad ang nagparehistron  aron magpakuna.  Tungod wala pay vaccination sa 5 to 11 years old, ang mga vaccination site gigamit una sa siyudad alang sa pagpamakuna sa 12 to 17 years old.

Sa laing bahin, gipahibalo ni Talisay City Mayor Gerald Anthony “Samsam” Gullas Jr. nga walay mahitabong pagpamakuna karong adlaw nga Biyernes, Pebrero 25,2022 kay kasaulogan kini sa Edsa People Power Revolution.

Ang vaccination sites sa siyudad nahimutang sa Gaisano Laray sa South Road Properties (SRP), RHU II sa Lagtang gym, RHU III sa Starmall sa Lawaan 1 alang sa magpa 1st dose, 2nd dose ug sa magpa-booster.

Ang Talisay City College (TCC) para sa mga nag edad og 5 ngadto sa 11 anyos. Samtang mobakuna ang Cebu South Medical Center sa adlaw nga Lunes ug Martes.

Ang bakuna nga ilang ihatag karong semanaha mao ang Pfizer, Sinopharm, Sinovac ug Astrazeneca ug modawat sila og walk-ins. —Gabriel Bonjoc/IBM (BANATNEWS)

DOH

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user