^

Banat Balita

Mga gikan sa abroad di na i-swab test kun kompleto’g bakuna

Caecent No-ot Magsumbol - Banat

CEBU, Philippines — Dili na kinahanglang magpa-swab test ug mandatory quarantine ang tanang fully-vaccinated nga biyahidor gikan sa gawas sa nasud nga mangabot sa Mactan Cebu International Airport sugod Pebrero 1, 2022.

Sukad nga nihugpa ang pandemiya, tanang biyahidor sa MCIA gikan ug kadtong molarga sa abroad gikinahanglang magpa-swat test ug kinahanglang dunay negative result silang ikapakita.

Si Cebu Governor Gwendolyn Garcia sa gipadala niyang memorandum no.6-2022 ngadto sa Bureau of Quarantine, MCIAA, airline operators ug tanang hingtungdang mga ahensiya ug buhatan nga sundon ang  IATF resolution 159 dinhi sa Sugbu.

Ang IATF resolution 159 nga kadtong mga pasaherong mangabot sa Sugbu, gikinahanglang makapresentar og negative RT-PCR test nga gikuha 48-oras sa wala pa kini molarga kun diin kini nga nasud gikan.

Walay bakuna

Kadtong walay bakuna o kausa palang nabakunahan o ba kaha kadtong vaccination status nila kaduhaduhaan , kinahanglang mopaubos gyud sa swab test ini og abot dinhi bisan pa og nakapakita sila og negative RT-PCR test result nga gikuha sa dayon nilang larga padung sa Sugbu.

Dad-on usab sila sa facility-based quarantine hangtud dili mogawas ang ilang ikaduhang RT-PCR test sa ikalima ka adlaw. Kun makagawas na, kinahanglang ipadayon nila ang ilang home quarantine hangtud ika-14 ka adlaw ug sila monitoron sa lokal nga Barangay Health Workers.

“Airline operators are enjoined to require international passengers traveling to Cebu to present proof of their vaccination at their place of origin upon check-in. Absence of said proof shall classify the traveler as unvaccinated or partially (un)vaccinated,” matud pa sa memo sa gobernador.

Sa sayo pa, nakadesider ang IATF nga luagan ang ilang COVID-19 risk classifications sa ubang mga nasud sugod karong Pebrero 1, 2022 ug gipaluagan ang mga restriksyon alang niadtong mga kompleto og bakuna nga biyahidor.

Samtang dili na sila ipaubos sa swab test ug mandatory facility-based quarantine , kinahanglang sila mag-monitor sa ilang lawas kung duna ba silay mga sintomas sud sa pito ka adlaw gikan sa ilang pagabot.

Kinahanglan sab silang mo- report sa local government unit kun asa sila moadto kun duna silay maobserbahang sintomas.

Ang mga batang wala pay 12 anyos nga wala pay bakuna kinahanglang mopaubos og quarantine protocols kauban ilang gikinanan  o guardians.

Visa free na

Si kanhi Department of Tourism secretary Ace Durano sa iyang bahin midayeg sa gihimo sa DOT nga nagtugot og visa-free entry alang sa mga fully vaccinated nga biyahidor gikan sa gawas sa nasud.

Matud pa ni Durano, makatabang kini og dako sa local tourism industry nga hangtud karon nagtakilid pa sa epekto sa Covid-19 pandemic ug sa bagyong Odette..

Si DOT secretary Berna Romulo-Puyat mipahibalo niadtong Enero 28, 2022 nga gitugtan na sa IATF-EID ang sugyot nila nga visa free entries alang sa mga turista gikan sa 157 ka mga nasud, lakip niini ang Japan, Republic of Korea, US, United Kingdom, France, Germany ug Australia—nga maoy nag-unang tourists markets sa Sugbu.

“The move of the DOT is a very big help for our local tourism industry and we urge all stakeholders to start winning back the tourists to our shores. Almost two years na since nawala ang mga tourists nato tungod sa pandemya, mao ni ang panahon nga ma-enganyo nato sila nga mubalik sa Cebu,” si Durano nagkanayon.

Giawhag niya karon ang Kapitolyo nga paglusad og

community-based educational campaigns aron modaghan pa ang magpabakuna ug palambuon og maayo ang kapabilidad sa mga provincial hospitals. —Le Phyllis Antojado, Mitchelle Palaubsanon/IBM (BANATNEWS)

SWAB TEST

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with