^

Banat Balita

Spaghetti wires ratsadahon og hipos

Caecent No-ot Magsumbol - Banat

CEBU, Philippines — Tungod sa kapakyas ug kamika sa mga utility companies paghipos sa ilang mga linya nga mura og mga pansit diha sa kadalanan gimando ni Cebu City Mayor Michael Rama ang pagumol og Task Force Ratsada aron mao nay manghipos niini sa siyudad.

Kaning gitawag nga “spaghetti wiring” dugay nga problema sa siyudad ug nisamot pa gyud kini sa dihang miigo ang bagyong Odette niadtong Disyembre 16, 2021. Gawas nga walay klaro ang koneksyon sa internet tungod sa pagkaputol-putol sa linya, nakasamok pa gyud kini sa dalan.

Daghang mga nadawat nga reklamo ang City Hall bahin sa maong mga wires kay makabitik og mga tawo.

“We have cleared most parts of the City with debris from fallen trees and garbage. It is frustrating that we still see your (utility firms’) poles and wires still lying on roadsides, if not dangling dangerously to passersby,” matud pa ni Rama atol sa pakigtigom niya sa mga utility companies.

Gimandoan ni Rama ang mga representante sa maong mga kompanya nga hipuson ang ilang mga nangatumbang poste ug mga wires gikan sa kadalanan.

Gusto sa mayor nga wala nay mga spaghetti wires sa kadalanan ini og selebrar sa ika-85th Charter Anniversary sa dakbayan karong Pebrero 24,2022.

Ang Task Force Ratsada sa siyudad gilangkuban sa mga sakop sa Cebu City Disaster Response Reduction and Management Office(CCDRRMO), Prevention, Restoration, Order, Beautification and Enhancement (PROBE) team, Cebu City Traffic Office (CCTO), Department of Public Services (DPS) and the Bureau of Fire Protection (BFP) – Special Rescue Force (SRF) ug mga representante sa utility companies.

Ang task force pangulohan ni retired Fire Brigadier General Aderson A. Comar.

“They know better whether these wires are live or dead. We would not want any untoward incident to happen to our personnel,” matud pang Comar.— IBM (BANATNEWS)

MICHAEL RAMA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with