^

Banat Balita

No vax, no entry ipatuman gyud

Sanden J. Anadia - Banat

CEBU, Philippines — Giklaro ni Cebu City Mayor Michael Rama nga ang kaayohan sa kinabag-an sa katawhan maoy iyang gihuna-huna maong iyang barugan ang iyang hukom nga pagpatuman sa “no vaccination, no entry” sa mga establisamento dinhi sa dakbayan.

Ang pagpatuman niini gihimo na sab sa mga local government units didto sa kaulohan isip kabahin sa ilang pamaagi pagkontrol sa pagkatap sa Covid-19.

Si Rama kinsa usa ka abogado, wala nakakita nga nalapas sa maong polisiya ang tawhanong katungod niadtong mga wala pay bakuna o tuyong dili magpabakuna sanglit usa man kini sa mga lakang nga naghatag og proteksyon sa kinabag-ang katawhan.

Gidepensahan usab niya ang “no vaccine, no charging” sa city hall nga gitanyag sa siyudad alang sa mga inbidwal nga wala pa gyud nahibalik ang kuryente sa ilang panimalay.

Sa mga wala mahimuot  sa gipatuman nga “no vaccine ,no charging”gihagit  kini ni Rama nga adto na lang mag-charge sa buhatan sa Commission on Human Rights.

Hinuon kalabot sa essential government services  ug ubang transaksyon niini, wala ra mag-require ang mayor og vaccination card tungod sa “humanitarian reason.”

Ang mayor miingon nga dili molugak ang siyudad sa kampanya niini nga magpabakuna.

Subli niya nga giawhag ang katawhan nga dili mogawas kun dili importante ang lakaw sa gawas nga tipik sa unod sa iyang executive order 157 nga gitawag og Oplan Puyo Gihapon.

“Although this pandemic has been noted to degrade into an epidemic, eventually in time just an endemic disease, we could not afford to find ourselves flat-footed. Thus, beyond our call for vigilance through Oplan Puyo Gihapon, we brace for the worse that we hope will not come,” suma pa sa mayor.

Sa laing bahin, dili na kinahanglan pa ang pagpresentar sa vaccination card sa mga tawo sa Dakbayan sa Lapulapu nga mosulod sa mga establisamento o bisan sa ilang pagpanarbaho.

Si Mayor Junard ‘Ahong’ Chan ang mipadayag niini nunot usab sa gipatuman Departmeny of Transportation (DOTr) niining semanaha sa “no vaccine no ride policy” didto sa National Capital Region ug sa mga lugar nga ubos sa alert level 3 status sama sa tibuok isla sa Sugbu.

Matud pa ni Chan nga halos tanan sa mga Oponganon ang madasigon man sa pagpabakuna kontra COVID – 19.

Dugang pa niya nga wala usab siya makadawat og mga taho labot sa mga drayber nga pasaheroan nga wala mopasakay niadtong wala mabakunahi. Apan siya padayong niawhag sa tanan nga mosunod kanunay sa mga health protocols.— Romeo T. Limpangog/IBM (BANATNEWS)

MICHAEL RAMA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with