CCPO mopatuman og massive swab testing sa mga sakop

CEBU, Philippines — Usa ka lapad nga swab testing ang gipahigayon sa Cebu City Police Office alang sa mga sakop niini nga gisugdan kagahapong adlawa, Biyernes, human adunay duha ka mga sakop niini ang bag-ohay lamang napositibo sa Covid-19.

Gibutyag ni Police Lieutenant Colonel Wilbert Parilla, Deputy Director for Operations sa Cebu City Police Office nga bisan pa man sa swab testing magpadayon ang transaksyon ug mga kalihukan sa CCPO lakip ang pagpahatag og police clearances samtang wala pa ang resulta sa test.

Hinuon mopatuman sila og adjustments kung gikinahanglan. Ang CCPO adunay usa ka libo kapin ka mga personnel.

Kahinumdoman nga sa nangaging mga buwan, daghang mga sakop sa kapolisan ang nakalas ug daghan sab ang gipaubos sa quarantine didto sa bukirang barangay sa Cebu City human natakboyan og Covid-19.

Sagad sa mga nakalas kadtong dunay mga comorbidities ug gituohang nakuha nila samtang naghimo sa ilang trabaho. —IBM (BANATNEWS)