Cybergate vaccination site sirad-an karon
CEBU, Philippines — Aron masiguro nga ang mga vaccination sites sa Siyudad sa Sugbo luwas ug malikayan nga diha magtinakdanay sa coronavirus disease(COVID)-2019 si Dr. Jeffrey Ibones, Officer-in-Charge sa Cebu City Health Department mipahibawo nga ang Robinson’s Cybergate sirad-an una aron i- disinfect karong adlawa ug ablihan kini og balik sa ugma adlaw’ng Sabado.
Matud ni Ibones sa adlaw’ng Sabado ang SM Seaside City Cebu na sab ang ilahang isira sab alang gihapon sa maong katuyuan.
Gawas sa Cebu City Sports Center sa Robinson’s Cybergate ingon man ang SM Seaside City Cebu gipahimutang ang laing vaccination sites alang sa mga batan-on nga nag-edad og 12 anyos sa 17 anyos.
“Nakita pud nato nga daghan na pud tag mga doctors and nurses and even encoders nga nangasakit pud wala gani ta makuan ana bisan kita nangaigo but sige lang life must go on vaccination must go on naa lang tay gamay changes lang,” sigon ni Ibones.
Sa pagkutlo ning maong balita ang Cebu City dunay 17 ka vaccinations sites subay sa mando ni Mayor Michael Rama nga makaabli gyud og daghang sites aron pag-akomodar niadtong mga gustong magpabakuna kontra COVID. Modawat na sila og mga indibidwal nga magpa-booster kini paman og ang ilang first ug second dose sa laing lugar gihimo.
Gikan sa December 21, 2021 hantod sa January 19, 2022 moabot na sa dul-an 200,000 ka mga tawo ang ilahang nabakunahan. —IBM (BANATNEWS)
- Latest
