^

Banat Balita

Kinse ka detinado sa Sawang Calero Police Station positibo sa COVID-19

Iris Hazel Mascardo - Banat

CEBU, Philippines — Kinse ka mga tawong nangatanggong sa prisohan sa Sawang Calero Police Station ug tulo ka polis sa Cebu City Police Office (CCPO) ang napositibo sa COVID-19 virus, matud pa sa opisyal sa kapolisan sa siyudad.

“So far as of today meron tayong tatlo (police personnel) na nag-positive sa COVID, so sa tatlong yun isa nasa support unit, yung isa dito sa headquarters,” matud ni Police Lt. Colonel Alan Rosario, office-in-charge sa Police Community Relations, kagahapon (Lunes).

Duha sa tulo ka mga pulis nga napositibo ang naa gipaubos sa home quarantine samtang ang usa ang kasamtangang nag-isolate sa quarantine facility sa dakbayan.

Gawas niini, adunay 15 ka detenado sa Sawang Calero Police Station ubos sa CCPO ang nagpositibo usab sa virus, ug na-isolate na human sila gipaubos sa swab testing sa miaging semana.

“So kung meron silang (Sawang Calero Police Station) bagong huli, hindi muna nila pinapasok doon (custodial facility),” matod pa ni Rosario.

Ang mga bag-ong madakpan ibutang usa sa laing custodial facility sa ubang police station. Tungod sa pagkuyanap sa maong virus diha sa maong police station temporaryo usab nga gisuspenso ang dalaw.

Ang mga police personnel nga nadestino sa maong buhatan gimandoan na nga mohimo og precautionary measures.

“Ilang beses na din kasi nangyari yan kaya I think alam na ng kapolisan natin yung nga dapat gawin nila incase na may mga PUPC natin na mag positive sa kanilang mga station,”sigun ni Rosario.

Dili kini maoy unang higayon nga gi-lockdown ang maong police station tungod sa pagkuyanap sa virus sa maong buhatan sanglit sa miaging tuig nahitabo sab kini kanila ug sa uban pang police stations sa Sugbu.

Gimandoan karon ang kapolisan nga mag-amping kanunay samtang sila nagtrabaho ilabi na nga subli silang gi-deploy sa kadalanan ug sa mga barangay aron mopatuman sa minimum health protocols tungod sa pagsaka sa mga kaso sa Covid-19 ning nanglabay nga mga adlaw.

Sa kalambigit nga balita, magpatabang si Mayor Michael Rama ngadto sa Cebu Chamber of Commerce & Industry (CCCI) ug  Cebu Contractors Association, Inc. aron manghuwam og mga container vans  aron gamitong detention cells sa 11 ka police stations sa siyudad nunot sa paghuot sa mga gitanggong ug peligro sa pagtinakdanay sa Covid-19. Suma pa sa mayor nga sa iyang pagduaw  sa pipila ka prisohan sa miaging adlaw, nakita gyud niya ang pagsugwak sa mga piniriso maong kinahanglan gyud nga magbutang og temporayong detention cell sa gawas sa presinto. –Sanden J. Anadia/IBM (BANATNEWS)

COVID-19

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with