_banat
^

Banat Balita

359 kaso natala niadtong adlaw nga Huwebes

Decemay Padilla - Banat

CEBU, Philippines — Natala niadtong adlaw’ng Huwebes, Enero 14, 2022 ang labing daghang bag-ong kaso sa coronavirus disease(COVID)-2019 sa Cebu City sukad sa pagsugod sa tuig 2022.

Base sa datos sa Department of Health Central Visayas ang Cebu City nakatala og 359 ka bag-ong kaso anang adlawa lang hinungdan nga 1,364 na ang active cases karon sa dakbayan.

Tungod niini, si Cebu City Mayor Michael Rama miasoy gisuta na karon kun kining pagsaka sa mga kaso kun Omicron variant na ba kini. Ang Omicron variant mao ang matud pa ang klase sa Covid-19 nga kinapaspasan makatakod.

Dugang ni Rama susihon sab og balik ang Temporary Treatment and MOonitoring Facility (TTMF) aron maandam dungan sa pagbutyag nga sa katapusang bahin ning buwana ma-operational na ang Cebu City Quarantine Center.

Gawas sa CCQC apil sab sa i-andam ang Cebu City Medical Center ingon man ang IEC Pavilion maong nakig-alayon na ang siyudad sa Archdiocese of Cebu ug uban pa.

“There is such a thing all focus on TTMF, Tri-Cities including the Province but as one Island with DOH and all the rest is the manpower if and when so that is also already being taken care of,” sigon ni Rama.  Sa laing bahin, naalarma na ang City Health Office sa Talisay sa padayon nga pagsaka sa kaso sa ilang dakbayan.

Si Dr. Lino Alanzado, pangulo sa CHO nagkanayon nga mas maayo nga mangandam na sila kun modaghan og maayo ang mga kaso ilabi na kadtong magpositibo nga wala nagpabakuna batok sa Covid-19. Ang isolation facility nga gipatukod sa Department of Health (DOH) kilid sa buhatan sa Tesda sa Barangay Lagtang naguba human gikuso-kuso sa bagyong Odette. Apan giayo na kini ug magamit na sa sunod nga semana.

Sa pagkakaron, ang mga nagpositibong dili grabe ang sintomas gitugotan nga mag home quarantine lang.

Gikan sa lima ka aktibong kaso pagsugod ning buwana, nisaka na ngadto sa 71 ka kaso ang Talisay karon lang buwana.

Nagpadayon ang ilang pagpamakuna ug panawagan nga kinahanglang magpabakuna gyud.

Ang tanang vaccination sites modawat sa walk-in, magpa booster shots ug sa mga magpabakuna nga nag edad og 17 ngadto sa 12 anyos.— Gabriel Bonjoc/IBM (BANATNEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with