6 ka traffic lights sa Talisay niandar na og balik
CEBU, Philippines — Unom ka traffic lights sa Dakbayan sa Talisay ang nibalik na sa pag andar human alas sayes pasado kagahapon.
Gipahibawo sa City of Talisay-Traffic Operation Development Authority CT-TODA nga nigana na ang eskina sa Starmall, Kalmar, Gaisano Tabunok, Blanners, Rabaya ug Laray.
Ang engineering department sa CT-TODA naningkamot nga mapa andar nasab nila ang duha nga nahiblin nga traffic light nga naapektuhan ug naguba human sa pagkuso-kuso sa bagyong Odette.
Ang CT-TODA nihimo sa mano-mano nga pag asistar sa dagan sa trapiko ug sa mga motorista hangtud nga nabalik ang operasyon sa traffic lights.
Si Jonathan Tumulak, pangu sa CT-TODA nagpasalamat sa Visayan Electric Company pinaagi ni Roy Mission nga maoy nitabang kanila.
Sa nasayran ubay ubay pa ang mga lugar sa dakbayan ang wa pa napasiga ug base sa uwahing tahu nga nadawat ni Mayor Gerald Anthony “Samsam” mokabat pa sa 40 percent ang napasigaan na og balik. MEL (BANATNEWS)
- Latest