^

Banat Balita

Dugang mga barangay sa Cebu City ug Mandaue gideklarang drug cleared

Decemay P. Padilla - Banat
Dugang mga barangay sa Cebu City ug Mandaue gideklarang drug cleared
Kahinumduman nga pito ka barangay sa Cebu City ang unang gideklarar nga drug cleared kini mao ang Sudlon I, Santo Niño, Sinsin, Sapangdaku, Sudlon II, Parian ug Toong.
STAR/File

CEBU, Philippines — Ang maong mga barangay gilangkuban kini sa Basak Pardo, Pamuton, Buot ug San Antonio.

Matud sa pangulo sa Cebu City Office for Substance Abuse Prevention (COSAP) Jonah John Rodriguez nga dako ang iyang kalipay nga nadugangan ang mga barangay nga nadeklarar nga drug cleared.

Kahinumduman nga pito ka barangay sa Cebu City ang unang gideklarar nga drug cleared kini mao ang Sudlon I, Santo Niño, Sinsin, Sapangdaku, Sudlon II, Parian ug Toong.

Sa kinatibuk-an niabot na sa 11 ka barangay sa siyudad ang gideklarar nga drug cleared.

Matud ni Rodriguez nga kagahapon sa buntag gipahigayon sa Regional Oversight Committee ang deliberation aron madeklarar nga drug cleared ang upat ka barangay.

Gihulagway ni Rodriguez dako kining kalamposan sa Cebu City tungod kay isip usa ka highly urbanized city lisod alang kanila nga himuong drug cleared ang maong mga barangay.

Samtang sa Dakbayan sa Mandaue napun-an usab og laing barangay nga gideklara nga drug cleared ang Philippine Drug Enforcement Agency-7.

Ang Barangay Tawason nga nahimutang sa bukirang bahin sa Dakbayan sa Mandaue ang gideklarar sa PDEA nga drug cleared.

Nasayran nga niadtong bulan sa Septiyembre unang gideklarar sa PDEA-7 Oversight Committee nga drug cleared ang Barangay Bakilid.

Sa laing bahin, nasikop ang duha ka mga call center agents human sila nasakmiti og ginadiling drugas sa kapolisan sa Sawang Calero Police Station niadtong Huwebes sa gabii.

Ang suspetsado mao si Christopher Enevoldsen , 42-anyos, taga Barangay Talamban, ug Richard Arnejo Jr., 26-anyos, minyo, taga Villa Leyson Subdivision, Barangay Bacayan.

Nasakmit gikan sa mga suspetsado ang shabu nga nikantidad tanan ngadto sa P36 mil.

Nangulo sa maong operasyon mao si Police Major Eraño Regidor, hepe sa Sawang Calero Police Station. Romeo Limpangog, Rowena D. Capistrano/BDB (BANATNEWS)

MANDAUE CITY

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with