P2.5 milyong kantidad sa shabu nga nasakmit
CEBU, Philippines — Nikabat ngadto sa P2.5 milyones ang balor sa ginadiling drugas ang nasakmit gikan sa duha ka high value individuals diha sa Barangay T. Padilla, Dakbayan sa Sugbo atol sa gipahigayong buy bust operation niadtong Martes sa gabii.
Ang nasikop mao si Ma. Anafie Abrenica, 27-anyos ug Allan Pestaño, 54, pulos residente sa maong barangay.
Nangulo sa maong operation mao Regional Police Drug Enforcement Unit Region-7 uban sa pakig-alayon sa Philippine Drug Enforcement Agency-7.
Nasakmit gikan sa mga suspetsado ng 370 gramos nga shabu nga nibalor tanan ngadto sa P2,516,000 ug buy-bust money.
Si Police Brigadier General Roque Eduardo Vega, direktor sa PRO-7 nihangop sa team sa lain na usab nga kalamposan nga ilang nahimo batok sa ginadiling drugas.
Matud ni Vega nga ang resulta sa maong operasyon naghatag kini og mensahe sa mga naghimo og ilegal nga wala sila’y lugar sa Central Visayas. —BDB (BANATNEWS)
- Latest
