_banat
^

Banat Balita

Contact sports gitugot na sa Carcar; 17 na lang kaso sa COVID-19 sa Talisay

Gabriel C. Bonjoc - Banat
Contact sports gitugot na sa Carcar; 17 na lang kaso sa COVID-19 sa Talisay
Matud ni Apura nga naghimo na sila og mga pakulo aron sa pag-agni sa mga Carcaranon apan kuwang pa gyud kini aron sa pagdaghan sa tawo nga mabakunahan.
STAR/File

CEBU, Philippines — Gitugotan na sa Dakbayan sa Carcar ang pagpahigayon og contact sports apan ang makaduwa kadto lang mga bakunado.

Si Bise Mayor Nicepuro Apura nagkanayon nga ubos sa kamandoan sa Inter-Agency Task Force istrikto sila kabahin sa bakunado ug wala.

Sayo pa, gipadayag ni Apura nga anaa pa sa 15 ngadto sa 20 porsyento ang mga tawo nga nabakunahan sa siyudad.

Iyang giangkon nga daghan pa gihapon sa mga tawo nga nituo nga adunay di maayong epekto sa lawas sa tawo ang bakuna batok COVID-19.

Matud ni Apura nga naghimo na sila og mga pakulo aron sa pag-agni sa mga Carcaranon apan kuwang pa gyud kini aron sa pagdaghan sa tawo nga mabakunahan.

Dugang ni Apura nga mangita na usab sila og laing paagi nga mapaduol ang pagpamakuna ngadto sa katawhan.

Sa laing bahin, anaa nalang sa 17 ang aktibong kaso sa COVID-19 sa Dakbayan sa Talisay.

Kini base ang talaan nga nigawas sa City Health Office sa siyudad nga gipetsahan niadtong Nobiyembre 22 ning tuiga.

Gani walay bag-o nga natala ang siyudad nga nataptan og COVID-19 diin usa ang naka-recover.

Sa kinatibuk-an adunay 4,970 ang natala nga kaso sa siyudad diin 312 ang nangamatay ug 4,622 ang naka-recover.

Sulodd sa 22 ka barangay sa Dakbayan sa Talisay, 11 ka barangay ang wala nay kaso sa COVID-19.

Sa pagkakaron, anaa na sa 50 porsyento ang nabakunahan batok COVID-19 sulod sa 179 mil nga anaa sa listahan sa kagamhanan.

Nagsugod na usab ang paghatag og booster shots alang sa mga medical frontliners sa siyudad. —BDB (BANATNEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with