50 porsyento sa senior citizens sa Mandaue bakunado na
CEBU, Philippines — Niabot na sa 50 porsyento sa gidaghanon sa nalista nga mga senior citizen sa Dakbayan sa Mandaue ang nabakunahan na batok sa COVID-19.
Si Subangdaku Barangay Captain Ernie Manatad, presidente sa Association of Barangay Council ug chairman sa City's Vaccination Board nagkanayon nga hingpit na nga nakabaton og bakuna ang mga senior citizen sa siyudad base sa datos nga ilang nakuha gikan sa CVOC.
Sa kasamtangan ang Dakbayan sa Mandaue adunay 33,000 nga natala nga kinatibuk-ang gidaghanon sa senior citizens.
Sa laing bahin, gibutyag ni Manatad nga naangkon na nila ang gikinahanglan nga requirements sa Department of Health (DOH)-7 alang sa pagbakuna sa 12 ngadto sa 17-anyos ug gipaabot na lang nila ang advice sa maong buhatan alang sa pagsugod na sa ilang pagpamakuna sa mga menor. —BDB (BANATNEWS)
- Latest
