_banat
^

Banat Balita

Opisyales sa barangay wala pa magpabakuna

Sanden J. Anadia - Banat
Opisyales sa barangay wala pa magpabakuna
Si Acting Mayor Michael Rama nakadawat og report nga aduna pay opisyales sa barangay ang wala pa magpabakuna.
STAR/File

CEBU, Philippines — Ang kagamhanan sa Dakbayan sa Sugbo niawhag sa opisyales sa kabarangayan sa siyudad nga magpabakuna na.

Si Acting Mayor Michael Rama nakadawat og report nga aduna pay opisyales sa barangay ang wala pa magpabakuna.

“Kahibalo baya ta nga limitado gyud ang lihok sa wala nagpabakuna . Limitado man gani ang nagpabakuna na, samot na kon wala pa nagpabakuna”, ni Rama pa.

Matud ni Rama nga dili na unta angayang pahinumdoman pa ang opisyales sa barangay sa pagpabakuna tungod kay nakahibalo na sila sa ilang mga responsibilidad.

Niabot na ngadto sa 6,199 ka residente sa Lungsod sa Compostela ang fully vaccinated batok sa COVID-19.

Base sa Oktbure 18, 2021 nga vaccine update sa lungsod 13,276 ang nabakunahan na sa lungsod kon diin 7,077 niini ang nakadawat sa ilang first dose samtang 4,761 ang nakadawat sa second dose  samtang 1,438 usab ang nahatagan og one dose sa J&J Jenssen nga bakuna.

Sa laing bahin, kapin sa 500 ka Person Deprived of Liberty sa Cebu City Jail male dormitory ang gipangbakunahan kagahapon.

Ang maong mga nabakunahan maoy pasiuna pa lang sa 6,300 ka PDL sulod sa maong pasilidad.

Matud ni Jail Officer 2 Blanche Aliño, Chief Community Relations Service Officer sa CCJMD nga Pfizer ang gipangbakuna sa mga PDL diin gi-priority ang senior citizens, adunay comorbidities ug immune compromised.

Si Dr. Jeffrey Ibones, pangulo sa Cebu City Health Department nga dugay na nilang giplanohan ang pagbakuna sa mga PDL nga naa sa maong pasilidad ug giuna nila ang  mga PDL sa male dormitory gumikan sa kadaghan nila.  Le Phyllis F. Antojado, Rowena D. Capistrano, Decemay P. Padilla/BDB (BANATNEWS)

SUGBO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with