_banat
^

Banat Balita

Clinical trial sa bag-ong Chinese COVID-19 vaccine gipahunong

Sanden J. Anadia - Banat

CEBU, Philippines — Temporaryong gipahunong ni Cebu City Acting Mayor Michael Rama sugod kagahapong adlawa ang nagpadayong clinical trial sa usa ka bag-ong brand sa COVID-19 vaccine nga gipangturok  sa pipila residente sa siyudad.

Nagpatabang usab siya sa Cebu City Police Office sa pagsita niini ilabi na nga nakadungog siya og report nga dunay pagpamayad nga nalambigit alang sa mga nagpaturok niini.

Matud pa niya nga kun dunay clinical trial nga pagahimoon sa usa ka lugar , importante kaayo ang “memorandum of agreement” tali sa lokal nga gobiyerno ug sa mga nagpasiugda niini.

 Suma pa ni Rama nga kinahanglan kaayo ang  lapad nga diskusyon  ug dili kini diretso-dretso dayon sanglit naglambigit kini sa panglawas sa tawo. Dugang pa sa acting mayor nga kihahanglan nga mangatubang sa mga opisyales sa siyudad ang mga tigpasiugda sa maong clinical trial aron mahatagan sila og katin-awan ug aron usab masayod sila kun kinsay manubag kun dunay dili maayong mahitabo.

“The Local Government Code is clear that health is a responsibility of the Local Government Unit (LGU). The least any national government agency or any entity with authority from the national government should coordinate with the LGU. They should know the importance of serious compliance of protocols,” suma pa ni Rama.

Matud pa niya nga kun ang usa ka butang nga gibuhat sa usa ka lugar nga walay koordinasyon sa mga opisyales , matawag kini nga abuso.

Nakugang nalang ang acting mayor kay sa mga mantalaan nalang siya  nakahibalo  kalabot niini. Apil usab sa iyang gipasusi mao ang giingong tambalanan nga maoy nag-screen sa mga gigamit sa maong trial.

Ang head sa Cebu City Health Department nga si Dr. Jeffrey Ibones daan ng namahayag nga importante kaayo ang koordinasyon ngadto sa local government unit sa mga kalihokang sama niini.

Ang giingong gigamit sa clinical trial mao ang COVID19 vaccine  nga gikan sa China nga gitawag og  WestVac. Gibutyag kini atol sa privilege speech ni Konsehal David Tumulak sa session sa konseho.

Giingong gitanyagan og bayad ang mga indbidwal  nga nagpagamit sa maong trial gikan sa P2,500 sa unang dose ngadto sa P5,000 sa ikaduhang dose.

Sa pasiuna nga nadawat nila nga report, gibuhat ang maong trial sa pipila ka mga residente sa Barangay Labangon, Basak San Nicolas, Basak Pardo, Cogon Pardo, ug Inayawan.

Ang DOH Chief Pathologist Dr. Mary Jean Loreche sa miaging semana namahayag nga legal ug nasayod sila bahin sa maong clinical trial.

Giingong napadad-an na og suwat ang siyudad bahin sa pagpahigayon niini dinhi sa dakbayan apan naka-address kang Mayor Edgardo Labella kinsa hangtud karon naka-leave pa gihapon. —IBM (BANATNEWS)

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with