^

Banat Balita

Motor nasampak sa elf, drayber patay

Romeo Limpangog, Rowena D. Capistrano - Banat

CEBU, Philippines — Usa ka 35-anyos nga lalaki nga padulong unta trabaho ang nakutloan sa iyang kinabuhi human giingong nibangga sa usa ka elf sa may Barangay Cabiangon, Lungsod sa Pinamungahan niadtong Sabado sa hapon.

Ang nakalas mao si Erwin Ysatam, residente sa maong lugar ug nagmaneho sa iyang motor. Matud pa ni Police Corporal Christian Ortega, traffic investigator sa Pinamungahan Police Station, padayon pa nila karon gi locate ang nahimutangan sa maong Elf nga giingong maoy gibangaan ni Ysatam.

Sumala pa ni Ortega, si Ysatam, giingong padulong sa Lutopan aron unta sa motambong sa trabaho sa dihang kini nadisgrasya. Giingong nag-urong ang maong trak sa karsada sa dihang nadasmag niini ang namatay.

Dugang pa ni Ortega, ilaha pa karon gipaubos sa imbestigasyon ug gi-locate ang maong Elf aron sayran kung unsa nga pagkahitaboa ug aduna ba kini gibutang nga mga early warning device samtang kini nakahunong ug nabanggan sa maong biktima. Gitug-an ni Ortega nga aduna silay mga saksi nga giingong nakakita atol sa maong insidente.

Aksidente sa taytayan

Sa laing bahin, gitanggong sa kapolisan sa Mandaue City Police Office (MCPO) ang drayber sa truck nga nakaligis patay sa usa ka motorista sa Marcelo Fernan Bridge habig sa Barangay Umapad sa Dakbayan sa Mandaue sa miaging Sabado sa hapon.

Si Police Lieutenant Colonel Franco Oriol, hepe sa Traffic Enforcement Unit (TEU) sa MCPO miila sa maong drayber sa trak nga mao si Aldwin Hermosilla, 49, taga Dakbayan sa Carcar. Giila sab ni Oriol ang biktima nga mao si Rudy Malingin Amistad, 52, taga Sitio Abuno, Barangay Pajac sa Dakbayan sa Lapu- Lapu nga nagsakay sa iyang motorsiklo ug nagdagan kini paingon sa pagsaka sa Marcelo Fernan Bridge gikan sa Dakbayan sa Mandaue.

Dugang pa ni Oriol nga ang trak nagdagan usab nga nagsunod sa motorsiklo sa biktima apan kalit kining mi-overtake apan nasaghiran niini ang motor.

Tungod niini natumba ang biktima ug naligsan nga maoy nakaingon sa kamatayon niini.— IBM (BANATNEWS)

DEAD

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with