_banat
^

Banat Balita

Bakunado lang posibleng pasudlon sa sementeryo

Decemay P. Padilla - Banat
Bakunado lang posibleng pasudlon sa sementeryo
Si Police Lieutenant Colonel Wilbert Parilla, Deputy City Director for Operations sa CCPO nagkanayon nga gawas sa mga fully vaccinated ang makasulod sa mga sementeryo girekomendar usab nila sa Cebu City Government nga ibase sa age bracket ang pagsulod sa mga tawo.
STAR/ File

CEBU, Philippines — Pabor ang Cebu City Police Office sa rekomendasyon sa Archdiocese of Cebu nga kadtong mga fully vaccinated lang ang makasulod sa mga sementeryo sa Siyudad sa Sugbo atol sa adlaw sa mga sa Santos ug Kalag niining tuiga.

Si Police Lieutenant Colonel Wilbert Parilla, Deputy City Director for Operations sa CCPO nagkanayon nga gawas sa mga fully vaccinated ang makasulod sa mga sementeryo girekomendar usab nila sa Cebu City Government nga ibase sa age bracket ang pagsulod sa mga tawo.

Subay niini, giklaro sa Emergency Operations Center Cebu City nga rekomendasyon lang kini sa simbahan ug wala pa kini approval gikan sa siyudad. Si Cebu City Acting Mayor Michael Rama nagkanayon nga hisgotan ug sabotan pa nila ang rekomendasyon ngadto sa ubang sektor aron makaumol og contingency plans. Sa laing bahin, ang hepe sa kapolisan sa Dakbayan sa Talisay Police Lieutenant Colonel Gerard Ace Pelare morekomendar sa Local Government Unit nga sundon gihapon ang mga strategy nga gigamit sa nilabay’ng tuig atol sa kasaulogan sa adlaw sa mga Santos ug Kalag tungod kay nakita nila nga epektibo kini. Matud ni Pelare nga wala pa sila nagkatigom ni Mayor Gerald Anthony ‘Samsam” Gullas Jr. kabahin niini. Si Pelare nagkanayon nga pabor siya nga buksan sa Nobiyembre 1 ug 2 ang mga sementeryo apan kinahanglang adunay ipatuman nga gidaghanon sa pwedeng makasulod.

Samtang si Gullas magpaabot pa usab sa tigom tali ni Gobernador Gwendolyn Garcia alang sa guidelines sa kalag-kalag sa Probinsiya sa Sugbo.

Nunot sa nahisgutang kasaologan, temporaryong siradohan ang Humay-humay Public Cemetery sa Nobiyembre 1 ug 2.

Si Padre Reynante Joseph Ga, kura paruko sa Nuestra Señora de Regla Parish sa National Shrine sa Barangay Poblacion sa Dakbayan sa Lapu-Lapu nagkanayon nga atol sa ilang meeting uban sa opisyales sa siyudad ilang nadisesisyonan ang pagsirado  sa sementeryo gikan sa Oktobre 28  hangtud  sa Nobyimbre 4, 2021. Ang gustong mobisita sa lubong sa ilang mga mahal sa kinabuhi sa Oktubre 15 hangtud sa  28 ug Nobyimbre 4 hangtud sa 15, 2021 kinahanglang mokuha daan og coupon aron makasulod sa sementeryo.— Rowend D. Capistrano (BANAT NEWS)

MICHAEL RAMA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with