Kaso sa COVID-19 sa Probinsiya sa Sugbo nikunhod na
CEBU, Philippines — Wala na moabot og 1,000 ang aktibong kaso sa COVID-19 sa Probinsiya sa Sugbo base pinakaulahing datos sa Provincial Health Office. Nasayran nga anaa na lang sa 875 ang ang active case sa probinsiya base sa Oktubre 11, 2021 nga datos. Ubos kini itandi sa 930 nga kaso niadtong Oktubre 10, 2021 ug sa niaging mga bulan. Niadtong Septiyembre 21, 2021 nga datos anaa sa 5,015 ang active cases sa Probinsiya sa Sugbo. Pagka-Oktubre 6, 2021 anaa sa 1, 202 na
lang ang kaso o anaa sa 90 porsiyento ang recoveries gikan sa infection. Matud ni Dr. Christina Giango, hepe sa PHO nga improving na ang sitwasyon sa probinsiya taliwala sa pandemiya.
Ang 16 ka provincial ug district hospitals nikunhod na usab ang mga pasyente diin gamay na lang usab ang nahibilin diha sa isolation facilities sa kalungsoran. Giklaro ni Giango nga wala’y gisirad-ang nga Temporary Treatment
and Monitoring Facility (TTMF) sa kalungsoran bisan pa nga nagkamenos na ang kaso sa COVID-19. Ang Probinsiya sa Sugbo ubos gihapon kini sa general community quarantine (GCQ) hangtud sa kataposan sa bulan Oktubre karong tuiga. (BANAT NEWS)
- Latest
