_banat
^

Banat Balita

Magpailang taga PDEA apan managit ug mangawat

Rowena D. Capistrano - Banat
Magpailang taga PDEA apan managit ug mangawat
Giawhag sa PDEA-7 ang katawhan nga kong adunay magpaila nga taga PDEA diha sa ilang lugar ug mga kadudahan og lihok itaho kini dayon pinaagi sa pag-text o pagtawag sa mga numero sa Globe: 09953083803 ug Smart: 09395788775. Gipasalig sa PDEA-7 ubos sa pagpangulo ni Director Levi Ortiz nga kanunay silang nagsunod sa balaod sa ilang mga anti-illegal drug operations ug uban pa nga kalihokan sa mga ahente ug personnel.
STAR/ File

CEBU, Philippines — Ang Philippine Drug Enforcement Agency-7 niawhag na usab sa katawhan nga kong adunay mga kadudahan og lihok diha sa ilang mga lugar kinahanglang motaho dayon sila ilabi na kong magdala og ngalan sa ilang buhatan. Ang maong awhag sa PDEA-7 subay kini sa report nga ilang nadawat nga giingong adunay mga grupo nga nagpaila nga taga PDEA diin ang katuyoan niini mao ang pagbuhat og daotan sama sa pagpangdagit ug pagpangawat.

Giawhag sa PDEA-7 ang katawhan nga kong adunay magpaila nga taga PDEA diha sa ilang lugar ug mga kadudahan og lihok itaho kini dayon pinaagi sa pag-text o pagtawag sa mga numero sa Globe: 09953083803 ug Smart: 09395788775. Gipasalig sa PDEA-7 ubos sa pagpangulo ni Director Levi Ortiz nga kanunay silang nagsunod sa balaod sa ilang mga anti-illegal drug operations ug uban pa nga kalihokan sa mga ahente ug personnel.

Mapasalamaton usab ang PDEA-7 sa kanunay nga hugot nga pagsalig ug pagsuporta sa katawhan ngadto kanila.

Matud ni Leia Albiar-Alcantara, tigpamaba sa PDEA-7 nga ang operasyon sa ilang team aduna kini search warrant ug warrant of arrest ug naka-complete uniform ang mga ahente.

Ug kong buy-bust operation ang ilang himuon aron dili makabantay ang subject mogawas lang ang naka-uniporme nilang sakop inig back-up atol sa pagsikop ug onsite inventory human sa dakop.

Ang lehitimo nga dakop sa PDEA-7 mahimong maka-request ang dinakpan nga magpakita ang ahente sa iyang badge ug ID.

Matud usab ni Alcantara nga kong adunay buy-bust operation unya maghisgot og kwarta ug mahimong mobayad ang dinakpan, walay onsite inventory nga adunay mga witness ug magdaling mobiya ang grupo pasabot niini nga dili lehitimo nga sakop sa PDEA ang maong grupo nga nagpahigayon sa operasyon. (BANAT NEWS)

PDEA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with