^

Banat Balita

Zafra andam modawat sa tanyag sa Barug

Sanden J. Anadia - Banat

CEBU, Philippines — Bisan sa iyang pagka- independente andam gihapon si Konsehal Philip Zafra nga modawat sa  tanyag kaniya sa Partido BARUG ni Acting Mayor Michael Rama nga mahimong guest candidate sa lineup niini sa umaabot nga piniliay.

Gikompirmar kagahapon ni Zafra nga subli siya nga magpapili sa pagka-konsehal sukwahi sa iyang plano kaniadto nga mopahuway na sa kalibotan sa politika.

Matud pa ni Zafra nga lakip sa posibleng mahimong guest candidate sa BARUG mao si Konsehal Donaldo Hontiveros.

Nasayran nga pulos mga sakop kaniadto sa BARUG sila si Zafra ug Hontiveros apan nideklarar kini nga independente sa unang bahin sa niaging buwan. Sayo pa, gibutyag ni Zafra nga grabe ang gihimo niya nga pagtimbang-timbang sulod na sa taas nga panahon alang sa iyang pagka-independente ug adunay mga butang nga nakaaghat sa maong desisyon.

Si Zafra nagkanayon nga wala ra siyay problema nga himuon sila ni Hontiveros isip guest candidates sa ilang kanhi partido sanglit ang tumong lang nila  mao ang pag-alagad sa katawhan.

Nasayran nga tungod sa panawagan sa iyang supporters nadasig si Zafra nga magpapili pagbalik pagka-konsehal sa Cebu City South District. BDB (BANATNEWS)

PHILIP ZAFRA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with