^

Banat Balita

Kanhi seaman, kanhi city admin gustong magpapili

Sanden J. Anadia, Rowena Capistrano - Banat
Kanhi seaman, kanhi city admin gustong magpapili
Gian Andre Murillo Aznar.

CEBU, Philippines — Batan-ong kanhi seaman ug nahimong magtutudlo nga karon usa na ka magpapatigayon pursigidong motaak sa politika isip pagsunod sa iyang mga katiguwangan dinhi sa Sugbu nga mao ang pagpanerbisyo sa publiko.

Sa edad nga 31 anyos, si Gian Andre Murillo Aznar, apo ni Matias Aznar, ang founder sa Southwestern University miingon nga nagkainteres siya sa politika human niya nakita nga duna siyay ikatampo para sa siyudad sa Sugbu.

Magpapili siya isip independente sa North District sa Cebu City apan bukas siya kung dunay mosagop kaniya. Ning bag-o, ang Abag PROMDI mipadayag sa pagsagop kaniya.

Samtang tuod og gikan siya sa usa ka prominenteng pamilya, ang tambag sa amahan ni Aznar ang nagtukmod kaniya pagsulod sa politika bisan sa iyang kabatan-on. Matud pa niya, gidasig siya sa iyang amahan nga pagkulit og pangalan ug dili magsalig nga miyembro siya og prominenteng pamilya sa Sugbu.

Sa iyang pila ka tuig nga pagpanarbaho isip seaman ug magtutudlo sa maritime school nga gipasiugdahan sa iyang amahan nga “study now, pay later” alang sa mga kabus ug mga utokang tinun-an, nakita niya kung asa siya makatabang sa Sugbu.

Nakita niya nganha sa iyang kaubang mga kadete kun unsa ang kalisod sa ilang mga pamilya aron lang makapatungha sa kolehiyo bisan usa sa ilang mga anak .

Sumala pa niya, mas gipili niya ang pagdagan sa Konseho bisan og wala siyay kasinatian apan kun siya maoy pasultihon kahibalo siya kung unsa iyang tumong nga mao ang pagtabang.

Wala siya magkainteres sa barangay level kay matud niya mas daghan siya og matabangan kun sa tibuok siyudad siya makaserbisyo. Wala sab siya iyang plano nga motabang ug dili magpraktis lang.

“If you have a goal and you have something in mind and focus on it, I don’t think anybody can stop you. Yes, I am afraid, but this is what I want, to serve.” matud pa sa batan-ong Aznar.

Sa nanglabay nga lima ka buwan, nagsige og libot ang grupo ni Aznar alang sa nagkadaiyang civic activities sa mga barangay.

“Cebu City needs new faces, new ideas. And I am willing to put a good fight and step up. Kita maoy moduol sa mga tawo ug dili kita maoy pangitaon sa tawo,” matud pa niya.

Usa sa target niyang palambuon mao ang kasamtangang scholarship program sa siyudad. Kay samtang tuod daghan ang nakahuman og kolehiyo daghan man sab nila ang wala makatrabaho kay wala mahaom sa ilang gusto ang ilang kursong gikuha.

Buot niya nga pangitaan kini og paagi aron dili mausik ang nahuman sa mga kabus nga iskolar sa siyudad.

Sa pikas bahin,  si kanhi Department of Interior and Local Government (DILG) Undersecretary  Bimbo Fernandez  gituboy sa matud pa mga urban poor groups nga padaganon pagka-mayor sa siyudad sa Sugbo karong piniliay .

Giingong ilang gienderso si Fernandez human nila nadunggan ang balita nga dili na modagan og balik  pagka-mayor  si Tomas Osmeña, ang pangulo sa Bando Osmeña Pundok Kauswagan (BOPK).

“Kining mga grupoha , si Osmeña gyud ang ilang giiendorso . Pagkahibaw nila nga dili modagan og balik ang kanhi mayor, nakahuna-huna sila nga mangita og bag-ong nawong sa politika , ug si Bimbo gyud ang ilang nahuna-hunaan,” suma pa ni Hal Atienza, co-convenor sa  Movement for Transformative Politics (MTP) – Gahum sa Katawhan.

Usa si Fernandez sa mga sinaligan ni Osmeña kaniadto isip city administrator sa kanhi mayor. Matud pa kung dili i- endorsar si Fernandez sa BOPK pugson nila kini padaganon nga independente. –IBM  (BANATNEWS)

SEAMAN

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with