Monitoring ug seguridad sa vital installations pahugtan sa kapolisan

CEBU, Philippines — Pahugtan sa kapolisan sa Dakbayan sa Sugbo ang pag-monitor sa seguridad ilabi na sa mga vital installation human ang Japanese Embassy nipahimangno kalabot sa terror attack sa Southeast Asia.

Matud ni Police Lieutenant Colonel Wilbert Parilla, deputy director for operations sa Cebu City Police Office nga gilantaw nila nga international ang maong advisory, ang national nga buhatan sa kapolisan uban sa tanan mga intelligence unit maoy mo-validate usa niini sa dili pa mohatag og direktiba ngadto kanila.

Bisan og wala pa sila’y direktiba nga nadawat gikan sa ilang ulohan nga buhatan mohimo gihapon sila og precautionary Intelligence monitoring ilabi na sa mga target hardening nga mga lugar.

Gibutyag ni Parilla nga padayon ang ilang tigum usab sa mga intelligence unit ug mga katambayayong sama sa Muslim Group ug uban pa.

Dugang ni Parilla nga ilaha usab nga i-monitor ang mga lugar nga posibleng target areas sama sa power plants, terminals, malls ug uban nga mga lugar. —BDB (BANATNEWS)