_banat
^

Banat Balita

COMELEC nagpadayon sa mall voter’s registration sa Cebu City

Sanden J. Anadia - Banat

CEBU, Philippines — Ang Comelec nagpayon sa pagpahigayon sa mall voter’s registration sa Dakbayan sa Sugbo diin ilahang gipahibalo nga modawat usab sila og senior citizens, person with disability ug vulnerable sector.

Matud ni Omar Sharif Mamalinta, election officer sa COMELEC Cebu City nga usa usab kini sa dugang lakang sa ilang buhatan nga mapalapdan pa ang ilang kampaniya nga daghan ang magparehistro.

Ang senior citizens, PWDs ug vulnerable sectors aduna kini special lane.

Sa ilang mga satellite registration, istrikto nila nga gipatuman ang health protocols gumikan sa nagpadayon nga hulga sa COVID-19.

Giawhag sa Comelec  ang mga magparehistro nga magdala og kaugalingon nila nga ballpen  ug magsul-ob kanunay og facemask ug face shield .

Ang Comelec nipahigayon og mga satellite registration niadtong buwan sa Hulyo niinng tuiga apan naputol kini sa nilabay’ng buwan sa Agosto human gipaubos sa modified enhanced community quarantine (MECQ) ang siyudad.

Sa laing bahin, gipaabot sa kapolisan ang pagpagawas og guidelines sa Comelec aron maoy ilang tamdanan alang sa umaabot nga filling of certificate of candidacy.

Kini ang gibutyag ni Police Lieutenant Colonel Wilbert Parilla, deputy director for operations nga nahinabi sa mga tigbalita.

Matud ni Parilla, nga paaboton nila ang guidelines nga luwatan sa Comelec aron masayod sila unsay mga rekisitos nga kinahanglang sundon sa mga kandidato nga tan-awon usab sa kapolisan.

Nasayran nga dili tugotan nga maghugop ang supporters sa mga kandidato panahon sa pagduso sa COC tungod kay anaa pa ang pandemiya.

Apan bisan og wala pa ang filling sa COC adunay mga sakop sa kapolisan nga nagbantay sa Comelec tungod sa gipahigayong pagpanrehistro. —Rowena D. Capistrano/BDB (BANATNEWS)

COMELEC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with