_banat
^

Banat Balita

Pagpadangat og leksyon pinaagi sa radyo ipadayon sa siyudad

Sanden J. Anadia - Banat

CEBU, Philippines — Gipahibalo sa Cebu City Local School Board nga magtingog gihapon karon nga school year ang Education Laboratory on Radio (Ed Radio) nga giabagan sa Department of Education DepEd Cebu City Division.

Kining maong programa usa ka alternatibong pamaagi sa pagpadangat og leksyon ngadto sa mga tinun-an sa elementarya pinaagi sa kahanginan.

Ang mga magtutudlo manukad sa estasyon sa radyo sa ilang diskusyon samtang naminaw pud ang ilang mga tinun-an pinaagi sa ilang tagsa-tagsa ka mga radyo sa ilang panimalay.

Mosikad og balik ang pag-ere niini karong Septiyembre 20 pinaagi sa FM frequency nga 106.7 MHz.

Matud pa sa chairperson sa LSB nga si Melissa Reanne dela Cruz nga nakadawat og positibo nga feedback ang Ed Radio sa miaging school year, giingong niabot na sa 12,000 ka mga bata ang nakabenepisyo niini.

Kahinumduman gipadayag ni Mayor Edgardo Labella nga accessible sa mga kabalayan ang radyo hinungdan nga gi-umol sa kagamhanan ang maong programa.

Mao kini ang magsilbing pag-abag sa mga tinun-an nga misagop sa module nga pamaagi sa pagtuon.

Nasayran miagi og training ang mga magtutudlo nga nalakip sa maong programa diin gidalitan sila og lecture kalabot sa broadcasting guidelines ug ethics sa Kapisanan ng mga Brodkaster ng Pilipinas (KBP).

Nagkanayon ang mayor nga dili tanang tinun-an ug ginikanan ang maka-afford og gadgets ug dili usab tanan maabot sa signal sa internet ilabina sa mountain barangays busa gamit gyud kaayo ang radyo. —MEL (BANATNEWS)

LOCAL SCHOOL BOARD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with