_banat
^

Banat Balita

Budol gang gikan Mindanao namiktima sa Minglanilla

Gabriel Bonjoc - Banat

CEBU, Philippines — Nisiaw na sab ang mga notadong gibansagang Mindanao Boys nga gipasanginlang mangingilad gamit ang modus operandi nga budol-budol diha sa lungsod sa Minglanilla.

Kini human usa sa mga miyembro sa grupo ang nadakpan samtang iyang mga kauban nakaikyas. Ang nadakpan mao si Alcher Dialino Panga-an, 48, taga Purok 2 Kandiis Magsaysay, Cagayan de Oro.

Samtang ang nakasibat mao si Renante Estrada, 45, taga Mangagoy, Bislig, Surigao Del Sur.

Si Police Senior Master Sergeant Christopher Cesa nagkanayon nga usa ka cashier sa LBC Minglanilla Branch nga giilang si Dixianne Shallerie Gabay,25,  nitawag kanila human siya nabiktima.

Matud pa nagpakaaron-ingnong ang dinakpan nga magpasinsilyo apan budol money diay ang ilawom sa usa ka libo nga gibandol.

Sa pagkasikop kang Panga-an dunay nakuhang duha ka medium packs nga gituohang shabu ug kwartang P15 mil nga gituohang gikan sa mga nabiktima niini.

Si Cesa niingon nga walo na ka tawo ang positibong miila kang Panga-an nga mao sab ang nibiktima kanila.

Gidapit sa otoridad ang uban pang mga tawo nga nabiktima sa susamang modus aron mopasaka sab og kaso sa dinakpan.— IBM (BANATNEWS)

ARRESTED
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with