_banat
^

Banat Balita

Cebu City gihimong basihan sa Bakuna Bubble sa NCR

Sanden J. Anadia - Banat

CEBU, Philippines — Gihimong modelo didto sa National Capital Region  ang Siyudad sa Sugbo nga maoy gihimong basehanan sa gitawag nila didtong “Bakuna Bubble” nga nakalatid sa Executive Order No. 142 nga giisyu kaniadto ni Bise Mayor Michael Rama. 

Sa gihimong dayalogo kagahapon nga nag-ulohan og “Public-Private Dialogue on Safe Ways to Open the Economy in the Age of Community Quarantines” gipaambit ni Rama nga gipangbuhat sa siyudad alang sa kampanya niini batok sa COVID19 ilabi na sa subsob nga pag-awhag niini sa katawhan nga magpabakuna.

Ang maong dayalogo gipasiugdahan sa Go Negosyo kauban ang Metro Manila Development Authority (MMDA).

Gihisgotan usab sa bise mayor nga ang pagtugot  sa  vaccinated citizens sa pagpasulod  sa pipila ka mga establisamento kay dili matawag nga diskriminasyon ngadto sa dili mga bakunado.

“It is rather being fair to those already vaccinated,” nagkanayon si Rama. Suma pa niya nga importante kaayo ang pagbalanse sa panglawas ug ekonomiya.

Kahinumdoman nga base sa unod sa maong EO nga maka-dine in ang vaccinated nga mga indbidwal  ubos sa 30% nga kapasidad sa mga kan-anan.

Gipaambit usab niya ngadto sa nanambong sa online forum nga duna nay siyam ka regular nga vaccination sites ang siyudad sa pagkakaron. Ang dakbayan nagtinguhang magbutang og 21 ka vaccination sites.

Samtang ang personal care services  nga sama sa  beauty salons, barbershops, beauty parlors, massage parlors, ug nail spas  kay limitado usab sa  30 % nga  kapasidad alang sa vaccinated customers.

“What is encouraged is the word empowerment likewise the autonomy. This autonomy is being recognized in the Constitution, plus we have a bible and our bible is the Local Goverment Code,” suma pa ni  Rama.

Nalakip pud sa maong dayalogo si Cebu City Emergency Operations Center (EO) deputy chief implementer ug Konsehal Joel Garganera kinsa miingon nga maayo kining Bakuna Bubble kay daghan ang nadasig nga magpabakuna.

“Yes, we do understand about the human rights issues but right now we are in a pandemic. We in the local government, we have to be innovative. How can you expect a different result if you don’t change some of the rules of the game?” suma pa ni Garganera.

Matud pa niya nga ang Bakuna Bubble produkto sa subsob nga panagtigom ug koordinasyon sa nagkadaiyang  stakeholders.

Ang siyudad nakahatag na og dul-an sa 500,000 ka doses sa bakuna  nga gilangkoban sa 191,000 ka mga indibidwal nga fully  vaccinated  ug kapin na sa  306,000  ang naturokan na sa ilang first dose.

Malaumon si Rama nga makab-ot sa siyudad ang target nga 700 mil nga mabakunahan sa siyudad karong tuiga.

“Trust the local government. Give us the vaccine. We have the bible which is the Local Government Code. We have the capacity, the ability, the imagination, the innovativeness,” matud ni Rama.— IBM (BANATNEWS)

COVID-19 VACCINE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with