^

Banat Balita

Mga establisamento tugotan na og 30 porsyento nga kapasidad

Sanden J. Anadia - Banat
Mga establisamento tugotan na og 30 porsyento nga kapasidad
Ang maong EO gitawag og “Oplan Puyo 9/8-30” samtang ubos ang siyudad sa general community quarantine (GCQ) hangtud sa Septiyembre 30, 2021.
STAR/File

CEBU, Philippines — Ubay-ubay na sa mga establisamento ang makapalapad na sa ilang mga operasyon diin usa kini sa mga unod sa giisyu nga  Executive Order No. 142 ni Cebu City Acting Mayor Michael Rama.

Ang maong EO gitawag og “Oplan Puyo 9/8-30” samtang ubos ang siyudad sa general community quarantine (GCQ) hangtud sa Septiyembre 30, 2021.

Gikan sa 10 porsyento gihimo na nga 30 porsyento ang kapasidad nga gitugot sa mga indoor dining alang sa vaccinated nga mga indbidwal.

Mahimo gihapon ang al fresco alang sa tanan hangtud sa 50 porsyento nga kapasidad ug mao kini ang sitwasyon diin makakaon gihapon sa gawas nga bahin sa restaurant.

Gipabilin gihapon ang 30 porsyento nga kapasidad alang sa personal care services sama sa beauty parlors, salons, barbershop, nail spas,  ug massage parlors ug alang ra usab kini sa mga  vaccinated nga indibidwal.

Niining higayona, gitugotan na nga mangabli og balik ang indoor sports venues, gyms ug uban pa nga venue alang sa non-contact sports ubos sa 30 porsyento nga kapasidad.

Gitugotan ang outdoor non-contact sports ug exercises apan kinahanglang mosunod sa physical distancing.

Makasugod na usab og balik sa ilang operasyon ang  indoor tourist attractions nga accredited sa city tourism office ubos sa 30 porsyento  nga kapasidad  ug alang ra kini sa  vaccinated persons.

Ang outdoor tourist attractions makapadayon gihapon alang sa tanan ubos sa 50 porsyento nga kapasidad.

Ipabilin gihapon ang oras sa curfew gikan sa alas 10:00 sa gabii hangtud sa alas 4:00 sa kadlawon.

Dili gihapon mahimong makagawas sa ilang panimalay ang ang 15-anyos paubos ug 65-anyos pataas, mga mabdos ug mga masakiton.

Kutob ra usab sa 30porsyento ang kapasidad sa lugar nga mahimong pasudlan sa mga haya.

Ginadili gihapon ang pag-inom og ilimnong makahubog sa mga pampublikong lugar.

Mga importante lang nga mass gathering ang gitugotan karong panahona ug kini mao ang kasal, birthday ug bunyag diin makagamit ra kini  sa 30 porsyento nga kapasidad sa venue o ngadto sa 100 ka tawo. —BDB (BANATNEWS)

GENERAL COMMUNITY QUARANTINE

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user