^

Banat Balita

Barcenas adunay ilegal nga gihangyo kang Apura?

Gabriel C. Bonjoc - Banat

CEBU, Philippines — Gibutyag ni Bise Mayor Nicepuro Apura sa Siyudad sa Carcar nga adunay mga hangyo si Konsehal Patrick Barcenas kaniya nga ilegal hinungdan nga iyaha kining gibalibaran.

Niining ulahi lang, si Barcenas nagtapok na sa iyang mga sakop aron magpapili nga mayor sa siyudad sa sunod tuig nga piniliay diin makig-atbang siya sa magtiayong Mercedita ug Nicepuro Apura.

Si Mercedita ang kasamtangang mayor sa Dakbayan sa Carcar diin ubos kini sa Partidong Alayon lakip si Barcenas.

Giingong si Barcenas nahiubos tungod kay daghang higayon nga gibalibaran kini sa iyang mga hangyo lakip na ang iyang mga supporter.

Apan si Apura nipasabot nga adunay hangyo si Barcenas kaniya nga iyang gihatagan og pagtagad apan dili tanan tungod kay lakip man kini og hangyo ang ilegal nga butang o wala masubay sa balaod.

“Daghan siya’g gihangyo diri kanato, ug daghan ang natugtan sa iyang gihangyo. Duna siya’y gihangyo nga ato sad gibalibaran labi na og ilegal, supak sa balaod ug dili makiangayon sa ubang Carcaranon ang iyang gihangyo”, tipik sa pamahayag ni Apura.

Gibutyag ni Apura nga dili gyud sila kauban kaniadto ni Barcenas ug ang naulahi maoy nitapon sa iyang grupo.

“Dili man pod mi kauban pag-eleksiyon niadtong 2010 diin ako nidagan og nidaog pagkamayor ug siya man ang nitapon diri sa atong grupo pagsunod nga eleksiyon kay wala paman siya magplano pagdagan pagbalik niadtong panahona kay aduna paman siya’y dakong problema nga giatubang sa Ombudsman ug sa Sandiganbayan”, dugang ni Apura. —BDB (BANATNEWS)

CARCAR

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with