^

Banat Balita

Zafra: Bisan pa og manag-uyab dili pwedeng magsikit sa PUV

Sanden J. Anadia - Banat
Zafra: Bisan pa og manag-uyab dili pwedeng magsikit sa PUV
Nipagawas na sa ilang evaluation ang Cebu City COVID Action Team (CCCAT) kalabot sa ilang pag-roving diha sa nagkadaiyang dapit sa Siyudad sa Sugbo alang usab sa hugot nga pagpatuman sa Oplan Puyo.
STAR/File

CEBU, Philippines — Si Konsehal Philip Zafra sa Dakbayan sa Sugbo nagkanayon nga bisan og manag-uyab kinahanglang motuman sa protocols ilabi na sa social distancing diha sa pampublikong sakyanan.

Nipagawas na sa ilang evaluation ang Cebu City COVID Action Team (CCCAT) kalabot sa ilang pag-roving diha sa nagkadaiyang dapit sa Siyudad sa Sugbo alang usab sa hugot nga pagpatuman sa Oplan Puyo.

Si Zafra kinsa miyembro sa maong team nagkanayon usab nga aduna gyu’y mga tawo nga bisan og adunay division ang mga pampublikong sakyanan magsikit gihapon kini.

“Bisan uyab pa mo, ayaw intawon mo pagsikit sulod sa mga PUV, tuman lang ta sa health protocols. Palihog sad mga driver badlonga sad intawon ang inyong mga pasahero . Ayaw mo og pasakay kun puno na”, awhag ni Zafra.

Laing resulta sa ilang evaluation giingong adunay mga tawo diha sa mga sitio nga kusog kaayo magyaga-yaga sa enforcers pinaagi sa pagpagukod.

“Dili ta gusto nga ma-extend pa ang MECQ, maong magtinabangay ta. Sa among pag-roving dili lang kay dakop ang among unang tumong, ang nag-unang rason namo mao ang pagpanalipod ninyo. Gusto ta malayo ta aning COVID-19, tuman lang ta palihug”, ni Zafra pa.

Dugang evaluation nasuta nga adunay ubang tawo nga dili na mag-face mask ug ang depensa niini kay naa daw sila sa ilang tugkaran.

Si Zafra nagkanayon nga angayang hunongon ang maong klase sa batasan tungod kay klaro kaayo diha sa balaod nga kinahanglan gyud nga magsul-ob og face mask sa bisan asang dapita.

Ang CCCAT gilangkuban sa kapolisan, Prevention Restoration Order Beautification and Enhancement, Cebu City Transportation Office, Cebu Environmental Sanitation Enforcement Team, Bantay-Dagat, Cebu City Anti-Mendicancy Office, ug Task Force Kasaligan. BDB (BANATNEWS)

PHILIP ZAFRA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with