34-anyos nga babaye gipusil patay sa kapuyo
CEBU, Philippines — Patay ang usa ka 34-anyos nga babaye human kini pusila sa iyang kapuyo kagahapon sa kadlawon diha sa Sitio Galile, Barangay Duljo Fatima, Dakbayan sa Sugbo.
Ang biktima mao si Vilma Dionson, lumad nga taga Surigao Del Norte ug nagpuyo sa maong lugar.
Ang suspetsado mao si Robert Pulvera, hingkod ang panuigon, residente usab sa lugar daling nisibat human sa hitabo ug padayon pa kining gipangita sa kapolisan.
Ang land lady sa managkapuyo nibutyag sa mga polis nga nakadungog siya og lalis tali sa duha ug pipila ka minuto ang nakalabay nakadungog siya og usa ka buto sa armas.
Ang maong land lady nisusi kini ug giingong iyang nakita si Pulvera nga nagdali-dali og lakaw palayo sa lugar ug pagsusi niya sa gipuy-an sa duha nakita niya si Dionson nga nagkadugo na kini ug ang anak nga masuso niini ang nagsige og tiyabaw.
Base sa imbestigasyon sa kapolisan usa sa mga motibo sa pagpatay mao ang selos. —BDB (BANATNEWS)
- Latest