CCMC nipasalig nga adunay igong supply sa oxygen
CEBU, Philippines — Gipasalig sa kadagkoan sa Cebu City Medical Center nga adunay igong supply sa oxygen ang tambalanan.
Giingong adunay nahitabong insidente hinungdan nga ang ilang supplier nalangay sa pag-deliver og oxygen tanks.
Nasayran nga daghan ang delivery sa ilang supplier ug naglisod kini sa ilang delivery truck.
Ang CCMC nihimo kini og inisiyatibo diin nanawag sila sa Department of General Services aron manghuwam og truck ug sila na ang niadto sa planta sa ilang supplier diha sa Lungsod sa San Fernando.
Si Dr. Anton Oliver Reposar II nagkanayon nga aron masiguro nga dili magkuwang ang supply sa oxygen sa tambalanan gawas sa ilang daily utilization sa oxygen aduna usab sila’y extra aron kon mosaka ang demand adunay stand by daan. Nunot, niini aron malikayan nga magkuwang og medical oxygen alang sa mga hospital niluwat og executive order si Gobernador Gwendolyn Garcia sa pag-regulate sa pagbaligya og pagpalit niini.
Atol sa tigom sa g uban sa mga manufacturer ug dealer sa medical oxygen nisaad sila ngadto kang Garcia nga aduna pay igong supply sa exygen sa Sugbo ug andam usab sila nga i-convert ang industrial oxygen ngadto sa hospital/ medical oxygen kon gikinahanglan.
Matud ni Garcia nga tungod sa nagsaka nga kaso sa COVID-19 adunay uban nga nidagsa pagpalit sa medical oxygen. Ubos sa maong kamandoan ang mga manufacturer ug delaer sa 50kg nga medical oxygen mobaligya sa hospital.
Hinuon wala usab pugngi kadtong mga pribadong indibidwal nga mopalit og medical oxygen. —Le Phyllis F. Antojado/BDB (BANATNEWS)
- Latest