_banat
^

Banat Balita

98 % sa mga naninda sa Carbon uyon na sa modernisasyon sa merkado

Sanden J. Anadia - Banat

CEBU, Philippines — Gibutyag sa hepe sa Cebu City Market Operations Division (MOD) nga si Irvin Cabales nga 98 porsyento na sa mga vendors sa Carbon Market ang nipadayag na sa ilang dakong pag-uyon sa modernisasyon sa maong merkado.

Gitug-an ni Cabales nga walay puas ang regular nga panagtigom tali sa mga vendors ug sa Megawide Construction Corp. alang sa lapad nga pagpasabot kabahin sa proyekto.

“Dako hinoun ang atong pagtoo nga maabot ra gyud ang panahon nga mouyon ang tanan. Kanang nahibilin nga wala makumbinser kay katu ranang nabalaka kun duna pa ba silay puwesto. Pero giingnan na nato sila, nga dili gyud mawala ang ilang pangalan ug segurado nga duna sila’y puwesto. Ato na kana nga gisulti kaniadto nga walay ma-displace nga vendors,” matud pa ni Cabales.

Ang Carbon Market adunay 1,500 ka stall owners ug laing 1,700 ka ambulant vendors.

Sa pagka-karon gisugdan na ang site development ug usa na niini ang paghan-ay sa drainage system.

Matud ni Louie Ferrer, chief corporate affairs and branding officer sa Megawide nga duna sila’y bukas nga komunikasyon ngadto sa vendors ug kanunay gyud nila nga atimanon ang mga pangutana ug uban pa nga mga concern niini.

Una na nga gitataw niini nga ang kagamhanan sa Siyudad sa Sugbo gihapon ang magpabiling operator sa merkado.

Giingong duha ka tuig ang gihimo nila nga konsultasyon sa vendors ug ilang gipasalig nga walay ma-displace sa maong proyekto.

Giklaro usab ni Ferrer nga walay reservation fee nga ilang ipatuman ngadto sa stall owners.

Ug sa maong proyekto mahatagan usab og hamugaway nga pwesto ang mga ambulant vendors. MEL (BANATNEWS)

CEBU CITY MARKET OPERATIONS DIVISION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with