Curfew sa Guadalupe matag Domingo magsugod alas-4

CEBU, Philippines — Samtang ubos sa modified enhanced community quarantine  (MECQ) ang  Siyudad sa Sugbo, mihimo usab  og “Sunday Early Curfew “ ang Barangay Guadalupe sugod kagahapon. 

Nasabotan  sa mga opisyales sa barangay ug sa kapolisan nga sayuhon nila ang curfew kay magsugod  na kini sa alas- 4 sa hapon sa maong barangay basta adlaw lang nga Domingo.

Tungod niini, kinahanglan sab manirado nianang orasa gawas lang sa mga essential nga tindahan.

Sa gi-post nga advisory sa Facebook Page sa Guadalupe Emergency Response Team (GERT) nga ang mga authorized persons outside residence (APOR) lang ang gitugtan nga makagawas kun lapas na alas 4 sa hapon.

Bawal sab ang pag-inom og ilimnong makahubog sa pampublikong lugar, makasud sab ang mga pampublikong sakyanan aron dunay kasakyan ang mga APOR. Mag- rekorida aron paghinumdom sa katawhan ang ka importante sa pagtuman sa health protocols.

Samtang nagpadayon ang operasyon sa Cebu City Disaster Risk Reduction and Management Office (CCDRRMO) nga Bantay Delta Variant Task Force motabang ang barangay pagpasabot sa katawhan bahin sa maong bag-ong variant sa coronavirus. —IBM (BANATNEWS)