Kapitan nga nanumbag gisuspenso sa ombudsman
Cebu, Philippines — Nagtinguha karon si Caubian Barangay Captain Jackson Matbagon sa pag-file og motion for reconsideration human siya gisuspenso sa ombudsman og usa ka tuig.
Ang pagkasuspenso sa kapitan naggumikan sa reklamo batok kaniya nga gisang-at sa usa ka Mark Denola gumikan sa giingong kalapasan sa Conduct Prejudicial to the Best Interest of the Service, simple misconduct ug ingon man abuse of authority.
Si Regional Director Leocadio Trovela sa buhatan sa Department of Interior and Local Government sa Central Visayas (DILG-7) mipadangat og suwat ngadto kang Lapu-Lapu City Mayor Junard “Ahong” Chan nga gipitsahan og Hulyo 26, 2021, kini nagmando sa mayor sa pagpatuman sa desisyon sa Ombudsman batok kang Matbagon.
Ang maong kamandoan sa Ombudsman gipetsahan pa niadtong Enero 13, 2021
Gawas sa iyang pagkasuspenso sa katungdanan og usa ka tuig isip Barangay Kapitan sa Caubian sa Isla sa Olango dili usab kini katugotan sa paggamit sa iyang leave credits sulod sa mga adlaw nga gipaubos kini sa suspensiyon.
Sa nasayran ang reklamo ni Danola iyang gisang-at human usab sa nahitabong pagsukmag kaniya sa kapitan niadtong tuig 2017. (BANAT NEWS)
- Latest
