CEBU, Philippines — Mamahimong dali na lang unya ang pagpagawas sa resulta sa swab test sa Dakbayan sa Mandaue.
Kini maoy gikasabotan sa miaging adlaw sa gihimong panagtagbo sa kadagkoan sa Department of Health (DOH) 7 uban sa buhatan sa Contact Tracing Tracing Team sa siyudad.
Si Atty Julius Caesar Entise, pangulo sa Contact Tracing Team miingon ilang gikauyonan uban sa DOH 7 ang paspas nga pagpagawas sa swab test result.
Gitataw ni Entice nga kon masumitir nila sa buntag ang specimen ngadto sa DOH 7 ang swab test result mogawas usab sa gabii.
Nagkanayon si Entise nga dako og ikatabang ang sayo nga pagpagawas sa resuta sa swab test kay pinaagi usab niini mahimong epektibo ang contact tracing, tungod kay dali man nilang ma-contain ang infection sa COVID-19.
Samtang sa laing bahin hugot nga gipatuman sa kapolisan sa Mandaue City Police MCPO ang Oplan Pahimangno ngadto sa kabarangayan nonot sa pagsaka sa kaso sa COVID-19.
Si Leutenant Colonel Mercy Villaro spokesperson sa MCPO mipahibawo nga ang tanan nilang police station ang nag-roving matag adlaw sa nagkadaiyang dapit sa siyudad aron pagpahimangno sa mga molopyo sa pagtuman sa minimum health standards.
Kadaghanan sa ilang madakpan mao ang mga nakalapas sa lagda sa liquor ban o ang mag-inom og ilimnong makahubog gawas sa ilang panimay. —MEL (BANATNEWS)