19 ka panimay naugdaw sa sunog sa Lapu-Lapu
CEBU, Philippines — Mokabat sa 19 ka panimay ang naugdaw ug 300 ka mga indibidwal ang apektado sa sunog nga niulbo sa may Sitio New Lipata, Barangay Pusok, Dakbayan sa Lapu-Lapu, niadtong Lunes sa hapon.
Kini ang gibutyag sa pangulo sa City Social Welfare and Development Office Annabeth Cuizon.
Matud pa ni Cuizon, niabot ngadto sa 39 ang ihap sa pamilya nga nanag-iya sa panimalay nga partial o total nga naapektahan sa pag-ulbo sa sunog.
Sumala pa ni Cuizon, 29 ang renters nga apektado ug 9 ang sharers kung diin niabot ngadto sa 258 ka tawo ang apektado.
Ang mga biktima sa sunog, giabagan na sa siyudad ug gihatagan usab nila ug pagkaon.
Dul-an sa 300 mil pesos ang gibana-bana nga danyus sa nahisgutang sunog nga giisa sa 4th alarm sa kabomberohan. —MEL (BANATNEWS)
- Latest