_banat
^

Banat Balita

Cebu City di kasarang kun mag-lockdown pagusab

Decemay Padilla - Banat

Cebu, Philippines — Dili andam ang Cebu City nga mobalik sa lockdowns nunot niining pagsaka sa mga bag-ong kaso sa coronavirus ug ning bag-o ug mas bangis nga Delta variant niini.

Si Cebu City Councilor Joel Garganera kinsa maoy deputy chief implementer sa Emergency Operations Center sa siyudad miingon nga wala nay igong pundo ang dakbayan aron ikasuporta sa mga maapektuhan niining lockdown.

Didto sa Metro Manila subling nipatuman og higpit nga restriksyon ang mga siyudad didto nunot sa nagsakang mga kaso u gang kompirmasyon nga duna nay local transmission sa Delta variant didto.

Sulod na sa pila ka buwan nga ang Cebu City gipaubos sa Modified General Community Quarantine apan dunay mga kabalaka nga basin og mausab ang quarantine status tungod niining subling pagsaka sa mga kaso sa dakbayan.

Niapelar si Garganera si katawhan sa siyudad nga magtinabangay aron dili mahitabo nga mosaka ang quarantine status sa Cebu City.

“Og mahitabo na wala man gyud tay mahimo og mahitabo na but this I tell you when it comes to resources dili na pareha sauna dako gyud kaayo og problema mao na ato gyud ablihan atong panginabuhian kay wala tay igo nga katakos nga mosuporta masustinir nato ang paghatag sa mga gikinahanglan sa atong katawhan dinhi sa dakbayan,” pagpasabot pang Garganera.

Sa pagkakaron ang Cebu City adunay 27, 970 total cases sa COVID-19 ug naa sa 1,748 ang active cases.

Gipasabot sab ni Garganera kun nganong tag-as ang linya sa mga ospital karon kini tungod kay kinahanglan gyud i-swab test ang pasyente sa dili pa i-admit aron malikayan nga maipon sa mga non-COVID patients.

Giangkon hinoon ni Garganera nga misaka gyud ang utilization rate karon sa health care facility nga sobra na sa 50 porsiyento.

“Just imagine pag June 1 nato niduwa lang sa sa 13 porsiyento ang atong mga private hospitals pag July 1 niabot na siya og 35 karon were playing 50 to 55 na so makita intawon nato grabe gyud ang pagsaka. But I trust our health personnel, they are doing their best, they’ve been there before so makita nato ang ato lang partisipasyon sa publiko tabangan intawon nato nga wala na tay mapadala didto nga mga pasyente,” dugang ni Garganera.

Ang gikabalak-an karon mao ang Delta variant gumikan sa kapaspas niini manakod.  Bisan wala pa kini sa Central Visayas ilaha na kining gipangandaman pinaagi sa subsob nga pakig-alayon sa nagkadaiyang sektor.

Sa pikas bahin, subling gibalik og kuha sa EOC ang mga kaniadto gipangtaktak nilang contact tracers gumikan sa nagkataas nga kaso.

Gipatrabaho na karon ang 426 ka contract tracers aron paspas ang pag-extract ug pagpa-swab sa mga close contacts sa mga nagpositibo sa COVID19.

Sa maong pamaagi, ma-swab test dayon ang first generation, apan sa second generation, ang nagpakita lang og sintomas ang i-swab test.  Giawhag sa EOC ang publiko nga dili mogawas sa balay kun walay importante nga buhaton sa gawas. — Sanden J. Anadia (BANAT NEWS)

JOEL GARGANERA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with