Nagpapatay kang Cortes maka-afford

Cebu, Philippines — Nagpusil patay sa komentaristang si Reynante “Rey” Cortes gituohang gun for hire base kini sa pamaagi paghimo sa maong krimen sumala pa ni Police Lt. Colonel Wilbert Parilla,CCPO Deputy City Director for Operations.

“Kung makita nimo ang pamaagi sa pagpamusil, dili siya tong usual nga pagpamusil so makonsiderar nato nga planado gyud siya ug eksperto ang nibuhat sa maong krimen,” si Parilla miingon.

“So giplanohan gyud siya kay kung imong makita, dili man usual nga pagpamusil nga adunay niduol, nipusil unya nidagan. So as of now na- puzzled sad ta ani, dako kaayo ni nato nga problema nga kinahanglan gyud nato nga masulbad,” tug-an pa ni Parilla.

Kwartahan?

Si Parilla miingon nga ang tawong nagkuha sa serbisyo aning maong gun for hire nga ingon niini ka eksperto daw nagpasabot nga kwartahan kini.

Sa pagkakaron, blangko pa ang kapolisan sanglit nagpaabot pa sila sa resulta sa gihimong imbestigasyon sa Scene of the Crime Operatives’ (SOCO) sama sa kung unsa nga matang sa armas ang gigamit. Si Cortes dunay duha ka samad pinusilan sa lawas ug bukton.

Naglisod sila pagtumbok sa gigamit nga armas tungod kay way basiyo sa bala nga nakuha sa crime scene, dunay pagdudang gipusil kini og eksperto pagpunting gamit og rifle gikan sa layo.

“Kay diha sa area wala may mga high-rise building diha no nga posibleng didto kung ato nang kuhaon ang iyahang theory. Pero as of now, mao na ang atoang gisigeha’g pabalik-balik sa atong mga imbestigador. Ang mga establishments nga within 200-meter radius sa area,” si Parilla miingon.

Gawas nga walay basiyo sa bala, wala say testigong nakakita og tawo nga naghimo sa maong krimen nga makahatag unta og diskripsyon sa mamumuno.

Si Philippine National Police (PNP) chief, Gen. Guillermo Eleazar mimando sa pagumol og special investigation task group (SITG) aron tutokan ang maong kaso

“Inutos ko na ang pagbuo ng special investigation task group upang mapabilis ang pag-iimbestiga at pagdakip sa mga taong may kagagawan nito,” matud sa iyang pamahayag.

“Walang puwang lalo na sa isang demokrasyang bansa ang pananakot, pananakit, at pagpatay sa mga taong tinuturing na simbolo ng malayang pagpapahayag,” dugang pa niini

Bodyguards

Sa sayo pa, ang kapikas ni Cortes nga si Kitt Matus miawhag sa kapolisan nga pangutan-on ang mga close-in bodyguards sa iyang bana kay diha man sila pagkahitabo.

Bisan ipaubos sila sa paraffin test nagtuo si Parilla nga mag-negatibo sila kay nilapas naman og 24-oras gikan sa pagkahitabo.

Sa pikas bahin, ang Criminal Investigation and Detection Group (CIDG)-7gimandoan sa ilang National Director, Police Major General Albert Ignatius Ferro paghimo og parallel investigation bahin sa nahitabo.

Si Police Colonel Ireneo Dalogdog, CIDG-7 Regional Chief miingon nga nagsugod na sila sa ilang imbestigasyon.

Naalarma

Ang Kapisanan ng mga Broadcasters sa Pilipinas (KPB) Cebu Chapter nipagawas og pamahayag nga naalarma ug nabalaka sila aning pagpatay kang Cortes.

“The working media is already wary covering the news amid the Covid-19 pandemic, with the more of the vicious variants. Yet, it continues to take risk to bring the news 24/7,” ang KBP nag-ingon.

“But now and on top, each journalist must worry with the murder of Rey Cortez, our colleague killed as he pursues his work. This inhumanity his peers totally despise, this crime the Kapisanan ng mga Broadcasters ng Pilipinas condemns in bitterest terms,” dugang pa niini.

Giawhag sab sa KBP ang mga otoridad paghimo og ‘quick and punitive action’ sa maong kaso. Si Cortes bag-ohay lang nahuman sa iyang programang Engkwentro diha sa dyRB ug padung na unta sa iyang sakyanan sa dihang kalit kining gipusil. Patay na kini pagabot sa tambalanan. (BANAT NEWS)