_banat
^

Banat Balita

Politiko mananghid sa EOC

Rowena D. Capistrano - Banat

CEBU, Philippines — Mga politiko gikinahanglan may pagtugot gikan sa Emergency Operations Center kun sila maghimo og mga pulong-pulong ug mga political rallies karong nagkaduol naman ang umaabot nga piniliay sa tuig 2022.

Si Police Lieutenant Colonel Wilbert Parilla, deputy director for operations sa Cebu City Police mitug-an sa mga tigbalita nga mao kini ang nasabotan atol sa panagtigum tali nilang Cebu City Director Police Colonel Josefino Ligan ug EOC deputy chief implementer Konsehal Joel Garganera  bahin sa mga political rallies.

Nabantayan sa nanglabay nga mga buwan nagsige na og ari ug pagpakita ang mga politiko dinhi sa Sugbu lakip na kadtong nangambisyon og posisyon sa nasudnong kagamhanan.

Sumala pa ni Parilla, bisan unsa pa sila nga mga grupo o partido kinahanglan nga mangayo sila og pagtugot gikan sa EOC ug didto ilang pahibaw-on kun unsa ilang mga kalihokan nga himuon dinhi.

Si Garganera sa iyang bahin niapelar sa mga politiko ug supporters nga likayan una kining mga tapok-tapok diha sa komunidad.

Sumala pa ni Garganera padayon ang pagsaka sa kaso sa Covid-19 karon sa siyudad ug nabalaka sila nga mosamot kadako ang problema tungod unya aning mga political rallies.

Matud niya panahon karon nga magkahiusa ug magtinabangay ang komunidad aron makontrol kining subling pagdaghan sa mga kaso sa Covid-19 sa dakbayan. —IBM (BANATNEWS)

POLITICS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with